ZŠA stvaryli novuju vysokadakładnuju «nindzia-rakietu»
Pa dadzienych haziety Wall Street Journal, CRU i Pientahon jak minimum dvojčy ŭžyvali novuju rakietu, ale zachoŭvali jaje isnavańnie ŭ tajamnicy. Havorka idzie ab madyfikacyi rakiety Hellfire, jakaja nie vybuchaje, a raskidvaje lozy.
Novaja rakieta atrymała nazvu R9X, heta madyfikavanaja rakieta Hellfire. U navinki inertnaja bojehałoŭka, jakaja nie vybuchaje, a vykidvaje mietaličny snarad vahoj kala 100 funtaŭ (45 kh). Takim čynam, z dapamohaj R9X možna zabić cel, nie zrabiŭšy pry hetym škody ludziam i majomaści navokał, tłumačyć WSJ.
Isnuje taksama inšaja varyjacyja R9X, u jakoj rakieta niasie kołca z šaści doŭhich lozaŭ i vystrelvaje imi za doli siekundy da sutyknieńnia. Niekatoryja surazmoŭcy WSJ nazyvali R9X «latajučaj Ginsu», u honar marki nažoŭ, ci ž «nindzia-bombaj».
Pavodle źviestak WSJ, adnoj z padstaŭ dla raspracoŭki dadzienaj rakiety stała toje, što terarysty prystasavalisia da avijaŭdaraŭ VPS ZŠA i stali chavacca siarod mirnaha nasielnictva. Stvareńnie rakiety pačałosia jašče ŭ 2011-m, u časy prezidenctva Baraka Abamy, jaki śćviardžaŭ nieabchodnaść paźbiahać achviar siarod mirnych hramadzian u vyniku avijaŭdaraŭ u Afhanistanie, Pakistanie, Iraku, Siryi, Samali i inšych krainach.
Novuju rakietu vykarystoŭvajuć redka, jaje ŭžyvajuć tolki ŭ «asablivych abstavinach», adznačaje vydańnie. U pryvatnaści, kali ŭžyvańnie inšaj zbroi pastavić pad pahrozu žyćci mirnych hramadzian. Dla paraŭnańnia, zvyčajnyja Hellfire vykarystoŭvajuć suprać hrup supiernikaŭ.
