«Savuškaŭ pradukt» vypuściŭ lohki tvarožny syr
U Breście pačali vypuskać miakki tvarožny syr, jaki praciahvaje tradycyi šyroka viadomaha ŭ śviecie hatunku Cream Cheese. «Savuškaŭ pradukt» vyvieŭ na rynak čatyry navinki, jakija hatujucca ź viarškoŭ i rekamiendujucca dla lohkich buterbrodaŭ i bruskiet, sousaŭ i dalikatnych desiertaŭ.
Kali raniej amatary Cream Cheese tracilisia na darahija impartnyja pradukty, to ciapier jaho možna znajści pad brendam «Savuškaŭ». Inhredyjenty i technałohija ničym nie sastupajuć, a voś košty — na paradak nižejšyja za zamiežnyja anałahi.
Biełaruski syr, jak i ŭ recepcie z Bavarskich Alpaŭ, maje miakki smak i dalikatnuju lohkuju kansistencyju. Biełaruski vytvorca pa tradycyi prytrymlivajecca naturalnaha składu biez kansiervantaŭ. Masavaja dola tłušču ŭ suchim rečyvie 60%, ale kałaryjnaść pry hetym nievysokaja — u 100 hramach usiaho 216 kkał.
U «bočačcy» z dvajnym viečkam vypuščany lohki syr, jaki dla bolšaj miakkaści nasyčany kisłarodam. Na vybar čatyry smaki — «Savuškaŭ» śmietankovy, z tamatami, časnakom abo zielaninaj. Nieŭzabavie asartymient papoŭnicca jašče dvuma — z hrybami i z ahurkom.
«Ciapier papularny hatunak tvarožnych syroŭ stanie značna bolš dastupnym biełarusam. Analizujučy źmieny spažyvieckich pieravah, my bačym, što raście patreba ŭ hatovych da ŭžyvańnia praduktach dla pierakusu ŭ ofisie, doma abo ŭ darozie. I prapanavanyja nami miakkija tvarožnyja syry vydatna adpaviadajuć novamu trendu: jany dazvalajuć prahnać hoład z karyściu dla arhanizma pry adnosna nievialikaj kolkaści kałoryj», — adznačyła RR-dyrektar kampanii «Savuškaŭ pradukt» Alena Babkina.
Na jaje dumku, rost spažyvańnia miakkich tvarožnych syroŭ u Biełarusi ŭ značnaj stupieni strymlivali vysokija ceny na hety vid praduktaŭ. «U krainie ŭ hetaj katehoryi byli pradstaŭlenyja ŭ asnoŭnym darahija zamiežnyja pradukty. Zaraz ža amataram miakkich tvarožnych syroŭ nie pryjdziecca rabić vybar pamiž smakavymi pieravahami i ekanomijaj siamiejnaha biudžetu», — ličyć vytvorca.
Pradstaŭniki restarannaha biznesu tvarožny syr ličać univiersalnym: jaho vykarystoŭvajuć u zakuskach, miasnych stravach i desiertach. Ź jaho robiać kampazicyi z chlebam, krekieram i tostami. A jašče dadajuć u stravy z harodninaj i rekamiendujuć užyvać jak samastojny pradukt.
Miakkija tvarožnyja syry «Savuškaŭ» užo pradstaŭlenyja ŭ bujnych kramach usich handlovych sietak Biełarusi. Termin prydatnaści praduktu — 90 dzion, a zachoŭvać jaho rekamiendujuć pry tempieratury ad + 2 da + 6 hradusaŭ.
