Da kanca hoda 75% terapieŭtaŭ buduć pracavać daktarami ahulnaj praktyki. Na pryjom — 18—20 chvilin
Pra heta ŭ Nacyjanalnym pres-centry raspaviała zahadčyca kafiedry hramadskaha zdaroŭja i achovy zdaroŭja BiełMAPA Maryna Ščavieleva, piša Tut.by
Pa sacyjalnych standartaŭ u Biełarusi na adnaho ŭrača ahulnaj praktyki pavinna prychodzicca 1300 darosłych i dziaciej ci 1500 darosłych pacyjentaŭ.
- Da 2020 hodzie 100% daktaroŭ ź pieršasnaha źviana pavinny stać daktarami ahulnaj praktyki. Narmatyŭ da kanca hetaha hoda - 75%, - adznačyła Maryna Ščavieleva i dadała. — Heta nie prosta źmiena šyldy. Heta inšy padychod da pracy piersanału.
Nahadajem, što pierad tym, jak stać doktaram ahulnaj praktyki, miedyk prachodzić kursy pierapadrychtoŭki. Jany jość va ŭsich miedycynskich VNU i BiełMAPA. Śpiecyjalistaŭ dadatkova navučajuć inšym napramkam, jakija siońnia zakryvajuć vuzkija lekary-admysłoŭcy. Heta endakrynałohija, ŁOR, aftalmałohija, pulmanałohija, kardyjałohija.
- U minułym hodzie pavialičyli čas na pryjom ŭrača ahulnaj praktyki. Pieršasny pryjom - heta 20 chvilin, kali ŭrač ahulnaj praktyki pracuje z darosłymi i dziećmi. Kali tolki z darosłymi, to 18 chvilin, — źviarnuła ŭvahu Maryna Ščavieleva.
