Recept varenikaŭ, niezvyčajnych za košt svajho ciesta
Nacyjanalnyja kuchni krain šmat u čym adroźnivajucca adna ad adnoj. Ale šmat u jakich my možam zaŭvažyć stravu, jakaja robicca z tonkaha ciesta i načynki: u Italii heta ravijoli, u Kitai heta hiodza, baoczy i vantony, u Siaredniaj Azii — manty, nu i, kaniečnie, usim znajomyja pielmieni. Ale nam bližej za ŭsio vareniki — varyjanty z bulbaj, kapustaj i tvarahom. I hetym razam my pasprabujem z vami raznastaić nie načynku, a ciesta — zrobim z vami vareniki, asablivaściu jakich budzie tonki hrybny vodar!
Na hrybnoje ciesta:
- 250 hr. muki;
- 1/3 č. ł. soli;
- 2 st. ł. suchich hryboŭ, zmołatych u parašok;
- 2 st. ł. aleju;
- 170 mł. haračaj vady.
Muku pieramiešvajem z sollu i hrybnym paraškom. Dadajom alej i haračaju vadu, miesim ciesta. Abhortvajem plonkaj i dajom sastyć.
Na načyńnie:
- 250 hr. kapusty;
- 150 hr. kisłaj kapusty;
- 1 st. ł. suchich hryboŭ, zmołatych u parašok;
- 2 st. ł. tamatnaj pasty;
- sol, pierac;
- 0,5 č. ł. kalandry;
- 0,5 č. ł. kminu;
- alej.
U rondal dadajom trochi aleju, kładziom tudy kisłuju kapustu, nalivajem prykładna paŭšklanki vady i dajem tušycca pad nakryŭkaj 20—30 chvilin. Tym časam narazajem śviežuju kapustu i dadajom da kisłaj, tušym jašče chvilin 20. Dadajom hryby, tamatnuju pastu i śpiecyi, dajem jašče chvilin 15 patušycca biez nakryŭki (kapusta pavinna stać miakkaj, ale biez zališniaj vadkaści). Načyńnie hatovaje. Možna zrabić jaho ŭ niekalki razoŭ bolš i vykarystoŭvać potym jak harnir.
Ciesta raskatvajem da taŭščyni prykładna 2 milimietry, nie škadujučy muki na padsypku. Vyrazajem kružki, pasiaredzinie kładziom načynku i zaščypvajem krai.
Vareniki varym u zakipiełaj salonaj vadzie 3 chviliny, paśla taho, jak jany paŭspłyvali. Padajom sa śmiatanaj ci smažanaj cybulaj. Smačna jeści!