Źnikaje z talerki imhnienna: sytny zaliŭny piroh na śniadanak RECEPT
Samaja maja lubimaja častka vychadnoha — heta śniadanak: možna pavolna pić kavu, pradumvać płany na dzień i atrymlivać asałodu ad vidu z akna — asabliva, kali ŭ chatu zaziraje pieršaje viasnovaje soniejka.
A jašče nie treba nikudy śpiašacca i možna pryhatavać toje, što padabajecca, a nie toje, što možna chutka zrabić. Adnym z takich receptaŭ dla mianie źjaŭlajecca zaliŭny piroh z kaŭbaskami: hatujecca vielmi prosta, źnikaje z talerki imhnienna! I nasyčaje vydatna: vam chopić mocy na doŭhi dzień i na lubyja vašyja aktyŭnaści.
Nam spatrebicca:
- 70 hr. muki pieršaha hatunku;
- 3 jajki;
- 125 mł. małaka;
- 1 č. ł. vinnaha vocatu;
- 1 č. ł. miodu;
- 1 č. ł. harčycy (nie vostraj);
- 1 cybulina;
- 6—8 palaŭničych kaŭbasak;
- sol, pierac;
- majaran;
- alej.
Zmašvajem muku, jajki i małako, kab nie było kamočkaŭ. Dadajom vocat, miod, harčycu, sol i pierac.
Cybulu narazajem na tonkija paŭkolcy. Na patelni razahravajem trochi aleju i smažym cybulu da prazrystaści. Pierakładajem cybulu da ciesta, a na patelniu kładziom kaŭbaski (na kaŭbaskach možna zrabić nadrezy, kab jany lepš padsmažylisia). Dajom kaŭbaskam trochi padrumianicca.
Formu dla piraha zmazać alejem, vylić u jaje ciesta. Źvierchu pakłaści kaŭbaski i pasypać majaranam.
Vypiakajem 25 chvilin pry 200 hradusach. Smačna jeści!
