Rysavyja katletki z vendžanym syram RECEPT
My ŭžo z vami dzialilisia niekatorymi paradami na temu, jak bolš śviadoma stavicca da hatavańnia ježy, kab pamienšyć charčovyja adkidy i ich niehatyŭny ŭpłyŭ. I voś samy čas padzialicca receptami, jakija ŭ hetym dapamohuć.
Ujavim situacyju, što vy navaryli zašmat rysu i nie viedajecie, što ź im rabić, bo jak harnir jon užo nie lezie. U hetym vypadku skarystajciesia receptam rysavych katletak — jany buduć daspadoby jak u vyhladzie harniru, tak i jak zajedak na vypadak, kali da vas pryjšli hości.
Cikavy prysmak tut nadaje vendžany syr, i ja b raiła vykarystać mienavita jaho, ale kali niama ničoha padobnaha, biarycie vaš ulubiony syr i dadajcie cikavych prypravaŭ. Taksama možacie dadać bolš smaku siemkam, zrabiŭšy nastupnym čynam: razahrajacie suchuju patelniu, na jaje kładziacie siemki, drobku cukru, kuminu, soli i papryki. Dajom trochi padrumianicca, zdymajem z patelni i potym zdrabniajem.
Na 4 porcyi:
- 2 šklanki pryhatavanaha rysu (heta prykładna 1 šklanka suchoha);
- 1 cybulina;
- 2 morkviny;
- 100 hr. vendžanaha syru;
- 2 st. ł. harbuzovych siemak;
- 2 jajki;
- 2 st. ł. muki;
- 2 st. ł. sucharoŭ dla paniroŭki;
- alej.
Cybulinu drobna narazajem, morkvu trom na tarcy. Na patelni hrejem alej i smažym cybulu i morkvu da miakkaści.
Syr trom na tarcy, siemki drabnim u stupcy ci kavamołcy.
Źmiešvajem rys z syram, aharodninaj, siemkami, jajkami i mukoj. Pa žadańni pasalicie (ale zbolšaha salonaść nadaje vendžany syr).
Farmujem katletki i kładziom ich na pierhamient, zmazany alejem. Zapiakajem u duchoŭcy 20 chvilin pry 180 hradusach, pieravaročvajem katletki i pakidajem jašče na 5 chvilin. Padajom ź lubimym sousam. Ja vam prapanoŭvaju pasprabavać varyjant harčyčna-miadovaha sousu.
Harčyčna-miadovy sous
- 2 st. ł. miodu;
- 2 st. ł. miakkaj harčycy;
- 1 st. ł. limonnaha soku;
- 2 st. ł. aliŭkavaha aleju;
- 1 zubčyk časnaku.
Časnok drobna narezać i źmiašać z usimi astatnimi inhredyjentami. Trymać u chaładzilniku.
