Brytanskaja palicyja nazvała imiony atručvalnikaŭ Skrypaloŭ u Sołśbiery
Da atručvańnia byłoha supracoŭnika HRU Siarhieja Skrypala i jaho dački Julii ŭ Sołśbiery datyčnyja Alaksandr Piatroŭ i Rusłan Bašyraŭ, zajaviła karaleŭskaja prakuratura Anhlii i Uelsa. Na dumku śledstva, jany viarnulisia ŭ Rasiju 4 sakavika
Daniel Sandford / Twitter
Padazravanyja va ŭžyvańni atrutnaha rečyva «Navičok» u Sołśbiery viarnulisia ŭ Rasiju 4 sakavika 2018 hoda, havorycca ŭ sumiesnaj zajavie karaleŭskaj prakuratury i palicyi Vialikabrytanii, paviedamlaje Reuters.
Śledčyja ličać, heta byli Alaksandr Piatroŭ i Rusłan Bašyraŭ.
«Jość dastatkova padstaŭ dla taho, kab pradjavić abvinavačvańni rasijskim hramadzianam Alaksandru Piatrovu i Rusłanu Bašyravu, u tym liku ŭ zmovie z metaj zabojstva ŭ Sołśbiery z dapamohaj atrutnaha hazu», - cytuje dakumient The Telegraph.
Ślady atrutnaha rečyva kłasa «Navičok» znojdzieny ŭ haściničnym numary, dzie spynialisia Piatroŭ i Bašyraŭ. Abodva rasijaniny, ličyć śledstva, prybyli ŭ Vialikabrytaniju 2 sakavika.