Zialony, letni, duchmiany. RECEPT piraha z haroškam i miataj
Pirahi možna jeści i na śniadanak, i na abied, i na viačeru. A pa-druhoje, heta nieachopnaja raznastajnaść smakaŭ i načynak! Pirahi mohuć być sałodkimi ci salonymi, adkrytymi i nie. Ź ciestam taksama možna ekśpierymientavać: piasočnaje, draždžavoje, słajonaje.
Mnie bolš za ŭsio padabajecca pracavać ź piasočnym: jaho lohka hatavać, jano nie razmakaje ad načynki i zastajecca chrumstkim. Voś niekalki paradaŭ dla pryhatavańnia idealnaha ciesta:
- masła dla jaho treba brać vielmi chałodnym, i lepš nie miasić ciesta doŭha, kab masła nie rastajała;
- pierad vypiakańniem ciesta pratykajem videlcam, kab forma piraha nie defarmavałasia;
- ciesta možna zamarožvać — zrabicie zahadzia niekalki porcyj i dastavajcie, jak tolki spatrebicca.
A nižej vy znojdziecie varyjant piraha z tuncom i haroškam. Pakaštujcie hetaje spałučeńnie, ja upeŭnienaja, jano vam spadabajecca!
Piasočnaje ciesta:
- 100 hr. masła;
- 200 hr. muki;
- 1 jajka;
- 1 č. ł. nasieńnia lonu;
- 1/4 č. ł. soli.
Chałodnaje masła narazajem kavałkami, dadajom muku, lon i sol, źmiešvajem, kab atrymałasia kryšyva. Dadajom uźbitaje jajka i stałovuju łyžku chałodnaj vady i vymiešvajem hładkaje ciesta. Abhortvajem plonkaj i pakidajem u chaładzilniku na paŭhadziny.
Raskačvajem ciesta, kładziom u zmazanuju masłam formu. Na hetuju kolkaść inhredyjentaŭ pasuje forma dyjamietram 26 sm. Zapiakajem ciesta biez načynki chvilin 10 pry 180 hradusach (možna vykłaści pierhamient z fasollu ci harocham na ciesta, kab jano nie źmianiła svajoj formy).
Zaliŭka dla piraha:
- 250 hr. niatłustaj śmiatany;
- 2 jajki;
- 3 halinki miaty;
- 1 st.ł. harčycy;
- sol, pierac;
Miatu drobna narazajem. Źmiešvajem śmiatanu ź jajkami, dadajom sol, pierac, harčycu i miatu. Budźcie aściarožnyja z sollu, bo kansiervavany tuniec sam pa sabie dastatkova salony.
Načynka:
- 150 hr. zialonaha harošku (śviežaha ci marožanaha);
- 1 słoik kansiervavanaha tunca;
- 70 hr. cyru.
Harošak varym u padsolenaj vadzie 5 chvilin, źlivajem i adrazu abdajom chałodnaj vadoj, kab jon nie straciŭ svoj koler. Tuniec zdrabniajem videlcam. Syr nacirajem na tarcy.
Na vypiečanaje ciesta kładziom tuniec, harošak, syr. Dadajom zaliŭku. Piroh zapiakajem 25 chvilin pry 160 hradusach.
Anałahičnyja pirahi možna rabić i ź inšaj načynkaj.
Smačna jeści!
