Futbalist zbornaj Charvatyi admoviŭsia ad miedala ČS-2018

Forvard charvackaj zbornaj Nikoła Kalinič, adličany z kamandy paśla pieršaha matča čempijanatu śvietu, vyrašyŭ nie prymać srebrany miedal turnira.

U pieršaj ža hulni Kalinič admoviŭsia vychodzić na zamienu. Jon matyvavaŭ heta bolem u śpinie, adnak mnohija mierkavali, što hulec prosta niazhodny sa svaim statusam zapasnoha.

Takija admovy vyjści na zamienu fiksavali i raniej, tamu trenier Złatka Dalič vyhnaŭ Kaliniča z kamandy.

Tym nie mienš trenierski štab i hulcy nacyjanalnaj kamandy ŭsio ž vyrašyli ŭručyć miedal Kaliniču.

«Dziakuj, ale ja nie hulaŭ u Rasii», — adkazaŭ jon.

Nahadajem, zbornaja Charvatyi sastupiła francuzskaj kamandzie ŭ finale ČS-2018 ź likam 2:4 i stała siarebranym pryzioram mundyjala.

0

0

0

0

0

0