Bielhijski pradaviec televizaraŭ pačaŭ vypłaty za hały zbornaj na ČS-2018
fifa.com
Bielhijskaja kampanija pa prodažy bytavoj techniki i elektroniki Krefel abviaściła, što pačynaje vypłaty ŭsim klijentam, chto kupiŭ televizary, bo zbornaja krainy zabiła na čempijanacie śvietu pa futbole bolš za 15 hałoŭ. Paviedamleńnie pra heta źjaviłasia na staroncy ŭ Twitter.
NOUS L'AVONS FAIT! Nos diables ont marqué plus de 15 goals lors de la Coupe du Monde en Russie ! Cela veut dire que nous allons rembourser des milliers de clients qui ont acheté une télévision ! pic.twitter.com/0BVckcjeBQ
«My zrabili heta! Našy «djabły» zabili bolš za 15 hałoŭ na čempijanacie śvietu pa futbole ŭ Rasii. Heta aznačaje, što my pačynajem vypłaty tysiačam klijentaŭ, jakija kupili televizary», — havorycca ŭ paviedamleńni.
Pra akcyju kampanija abviaściła ŭ siaredzinie maja. Zhodna z umovami, nieabchodna było kupić televizar pamieram jak minimum 55 calaŭ, a ŭ vypadku, kali zbornaja Bielhii zabje na ČS bolš za 15 hałoŭ, hrošy za televizar buduć viernutyja ŭ poŭnym abjomie.
Da matču za treciaje miesca, jaki adbyŭsia ŭ subotu ŭ Sankt-Pieciarburhu, u aktyvie zbornaj Bielhii było 14 hałoŭ. Takim čynam zastavałasia zabić dva hały, što bielhijskija futbalisty i zrabili ŭ matčy za bronzu, abyhraŭšy ź likam 2:0 zbornuju Anhlii.
Pavodle źviestak partała Amweb, kampanija Krefel zastrachavała ryzyki vypłat u brytanskaj Lloyd's of London.
Na minułym čempijanacie śvietu zbornaja Bielhija zmahła zabić tolki šeść miačoŭ. Raniej bolš za 15 miačoŭ udavałasia zabić adnoj zbornaj tolki trojčy. Heta byli zbornaja Niamieččyny ŭ 2010 hodzie (17 miačoŭ) i ŭ 2014 hodzie (16 miačoŭ), a taksama zbornaja Brazilii ŭ 2002 hodzie (18 miačoŭ).
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
Apytanka
