Harvardskija navukoŭcy znajšli suviaź pamiž užyvańniem morapraduktaŭ i pałavoj śfieraj
Navukoŭcy Harvardskaj škoły hramadskaha zdaroŭja znajšli suviaź pamiž užyvańniem morapraduktaŭ i seksualnym žyćciom.
U daśledavańni brali ŭdzieł 500 par, jakija sprabavali zaciažaryć. Navukoŭcy na praciahu čatyroch hadoŭ fiksavali dadzienyja pra toje, jakija morapradukty i ŭ jakoj kolkaści spažyvali respandenty. Jany taksama atrymlivali dadzienyja pra toje, jak časta pary zajmalisia seksam i jak chutka im atrymałasia zaciažaryć.
U vyniku navukoŭcy vyśvietlili, što 92% par, jakija jeli rybu i morapradukty bolš za dva razy na tydzień, zmahli zaciažaryć užo da kanca pieršaha hoda. Akramia taho, vyśvietliłasia, što mužčyny i žančyny z najvyšejšym spažyvańniem morapraduktaŭ — bolš za vosiem porcyj na miesiac — zajmalisia seksam na 22% čaściej, čym tyja pary, jakija nie źjaŭlalisia prychilnikami takoj ježy.
Na dumku navukoŭcaŭ, vyniki navukovaha ekśpierymientu ŭskosna paćvierdzili fakt taho, što maluski i vustrycy źjaŭlajucca mahutnym afradyzijakam praz vysokuju kolkaść cynku — mikraelemienta, jaki adkazny za pavyšeńnie libida.
