Šviecyja vyjhrała čempijanat śvietu pa chakiei, ledź adoleŭšy Šviejcaryju pa bulitach
Reuters.com
Zbornaja Šviecyi vyjhrała čempijanat śvietu pa chakiei ŭ 11-y raz, adstajaŭšy minułahodni tytuł. U niadzielu šviedy ŭ finale ź ciažkaściu pieramahli pa bulitach Šviejcaryju ź likam 3:2 (1:1, 1:1, 0:0, 0:0, 1:0).
Šviecyja na hetym čempijanacie vyjhrała va ŭsich dziesiaci matčach. Šviejcarcy ŭ hrupavym turniry zaniali 4-je miesca, prajhraŭšy rasijanam, čecham i tym ža šviedam.
U płej-of šviedy prajšli Łatviju (3:2) i ZŠA (6:0), šviejcarcy — Finlandyju (3:2) i Kanadu (3:2).
U 2013 hodzie kamandy hulali ŭ finale, i tady šviedy pieramahli 5:1.
Zaŭvažym, što i šviedy, i šviejcarcy byli supiernikami biełarusaŭ u hrupavym turniry. Šviecyi biełarusy razhromna prajhrali 0:5, a Šviejcaryi prajhrali ź likam 2:5. Choć niejki dla nas pazityŭ ad hetaha turniru.
Nastupny čempijanat śvietu projdzie ŭ Słavakii.
***
Biełarusy ž buduć vystupać u minornym dyvizijonie 1A razam z kamandami Kazachstana, Słavienii, Vienhryi, Litvy, Paŭdniovaj Karei. Turnir projdzie ŭ kancy krasavika — pačatku maja 2019 hoda ŭ Astanie. Na sioletnim turniry biełarusy ŭsie matčy prajhrali i pakinuli elitu
