Žychary Asmałoŭki pieratvaryli hramadskija słuchańni ŭ mitynh
U paniadziełak, 26 červienia, prajšło hramadskaje abmierkavańnie prajekta zabudovy Asmałoŭki. Histaryčnamu kvartału z admietnymi dvuchpaviarchovymi damkami, prapanujuć znos. Na jaho miescy mohuć źjavicca šmatpaviarchoviki z kramami i padziemnymi stajankami.
Miascovyja žychary stajać haroj za hety rajon, unikalny dla horada. Tut nadzvyčaj mała aŭtamabilaŭ i nadzvyčaj šmat drevaŭ, možna skazać, ludziam pašancavała žyć pasiarod parku.
Hramadskaje abmierkavańnie prajekta budzie doŭžycca da 17 lipienia. Kali detalny płan pa vynikach buduć rekamiendavać da dalejšaha zaćviardžeńnia, jaho nakirujuć na ekśpiertyzy. Kančatkovaje rašeńnie prymie Minharvykankam. Heta adbudziecca nie raniej, čym praz try miesiacy.
Navošta chočuć znosić Asmałoŭku? Siem hałoŭnych pytańniaŭ i adkazaŭ
* * *
Pavodle prajekta zabudovy Asmałoŭki, usie staryja dvuchpaviarchoviki ŭ rajonie vulic Bahdanoviča — Kisialova — Kujbyšava — Kamunistyčnaja musiać być źniesienyja. Na ich miescy pavinny źjavicca novyja žyłyja 5—6-paviarchovyja damy z ubudavanymi handlovymi pamiaškańniami i padziemnymi aŭtastajankami. Dva kvartały abjadnaje krytaja hramadska-handlovaja vulica z padziemnymi aŭtastajankami.
Prajekt taksama zakranaje susiedni kvartał u miežach vulic Bahdanoviča — Kisialova — Staravilenskaj — Kamunistyčnaj. Tam chočuć pabudavać 9-12-paviarchovy žyły dom i 4-5-paviarchovy ofisny budynak.
* * *
Piać pryčyn, čamu Asmałoŭka nie pavinna być źniesienaja
Zisier — abaroncam Asmałoŭki: «Znajšli mnie spadčynu! Navošta hetyja baraki ŭ centry?»
