Prezident Finlandyi źniałasia ŭ roli biazdomnaj dla dabračynnaj akcyi FOTAFAKT
Były prezident krainy Tarja Chałanien siadzić na kamiennaj leśvicy, pohlad jaje skiravany ŭ pusteču, adzieńnie — staroje i brudnaje.
Fota z Chałanien — heta častka kampanii «Niaŭdača moža napatkać kožnaha», jakuju pravodzić Armija vyratavańnia. Meta fota — pakazać, jak mahło skłaścisia b žyćcio prezidenta, kali b u svoj čas joj daviałosia b sutyknucca ź biadoj i horam.
Fotasiesija była arhanizavana ŭ staličnym rajonie Chielsinki Kalen — heta miesca, dzie Chałanien žyvie ŭsio svajo žyćcio. Fotasiesija prajšła na zakrytaj terytoryi, kab u raziavak nie było mahčymaści pahladzieć na prezidenta, jakaja paziravała ŭ roli biazdomnaj.
Pa słovach fatohrafa Antona Suksdorfa, Chałanien była talenavitaj madellu.
— Ja nie moh čakać bolšaha — jana całkam užyłasia ŭ svaju rolu i ŭ situacyju, i my adzdymali patrebnyja kadry za 20 chvilin. Jana pavodziła siabie jak sapraŭdny prafiesijanał.
Kampanija — heta častka dabračynnaj akcyi «Dapamažy čałavieku», meta jakoj — sabrać hrošy na patreby biedniakoŭ u Finlandyi. U kampanii taksama ŭdzielničaje pradprymalnik Pieter Viestierbaka, jaki staŭ viadomym dziakujučy hulniavoj kampanii Rovio.