Padčas Dnia Voli milicyjant Spartak Śvistunoŭ zatrymaŭ adrazu dvuch udzielnikaŭ daŭniaha pikieta ŭ padtrymku «ruskaha śvietu»
Historyja zatrymańnia padčas Dnia Voli Alaksieja Hałavina, udzielnika kolišniaha pikieta ŭ padtrymku «ruskaha śvietu», vyklikała vialiki intares u čytačoŭ «Našaj Nivy».
Nahadajem, Hałavina razam ź siabram zatrymali kala Akademii navuk kala 11 hadzin. Jany paprasili minaka sfatahrafavać ich. A toj akazaŭsia pieraapranutym milicyjantam — heta byŭ apierupaŭnavažany upraŭleńnia pa narkahandlu Spartak Śvistunoŭ. Spartak, nie doŭha dumajučy, zatrymaŭ siabroŭ.
Pravaabaroncy paviedamili «Našaj Nivie» imia taho samaha siabra Hałavina. Im akazaŭsia Siarhiej Łanavienka, jašče adzin udzielnik taho samaha pikieta ŭ padtrymku «ruskaha śvietu».
Jon atrymaŭ anałahičny termin — 10 sutak aryštu. Abodvum siabram inkryminavali drobnaje chulihanstva.
Pavodle niepaćvierdžanaj infarmacyi, Łanavienka — blizki siabar adnaho z bajevikoŭ bataljona «Sparta», jaki raniej uznačalvaŭ sumna viadomy Mataroła (Arsienij Paŭłaŭ).