U Minsku praindeksavanyja čeki «Žyllo»
Imiannyja pryvatyzacyjnyja čeki «Žyllo» praindeksavanyja rašeńniem Minharvykankama ad 23 lutaha 2017 hoda №690, apublikavanym siońnia na Nacyjanalnym pravavym internet-partale.
Indeks rostu koštu budaŭnictva žylla ŭ paraŭnańni ź jaho koštam na 31 śniežnia 1991 hoda dla indeksacyi čekaŭ «Žyllo» ŭstanoŭleny ŭ pamiery 15,247.
Havorka idzie ab vykarystańni čekaŭ «Žyllo» hramadzianami i členami ich siemjaŭ, jakija stajać na ŭliku majučych patrebu ŭ palapšeńni žyllovych umoŭ, dla vypłaty pajavoha ŭznosu ŭ žyllovym abo žyllova-budaŭničym kaapieratyvie, finansavańnia indyvidualnaha abo kalektyŭnaha žyllovaha budaŭnictva, rekanstrukcyi adnakvaternych, błakavanych žyłych damoŭ, dolevaha ŭdziełu ŭ žyllovym budaŭnictvie, nabyćcia žylla šlacham kupli, a taksama dla pahašeńnia zapazyčanaści pa kredytach bankaŭ (uklučajučy vypłatu pracentaŭ za karystańnie imi) i pazykach jurydyčnych asob, uziatych i vykarystanych na hetyja mety.
Papiaredniaje rašeńnie Minharvykankama №3561 pa čekach «Žyllo» było pryniataje 1 śniežnia 2016 hoda i pryznanaje straciŭšym siłu. Indeks rostu koštu budaŭnictva žylla dla indeksacyi čekaŭ tady ŭstanaŭlivaŭsia ŭ pamiery 17,729.
Indeks rostu koštu čekaŭ «Žyllo» raźličvajecca na padstavie statystyki ab siarednim košcie 1 kv. m ahulnaj płoščy žylla, što budujecca ź dziaržpadtrymkaj, u paraŭnańni z koštam jaho budaŭnictva na 31 śniežnia 1991 hoda i zaćviardžajecca abłvykankamami i Minharvykankamam.
Dakumient ustupaje ŭ siłu paśla jaho aficyjnaha apublikavańnia.
