Syn Lilii Ananič ažaniŭsia z žurnalistkaj «Sovietskoj Biełoruśsii» FOTY
Syn ministra infarmacyi Lilii Ananič pabraŭsia šlubam z žurnalistkaj «Sovietskoj Biełoruśsii» Śviatłanaj Isajonak. Zdymki ź viasiella źjavilisia ŭ sacyjalnych sietkach.
Skrynšot ź instahrama.
26-hadovy Andrej Ananič — druhoje dzicia ŭ siamji ministra. Siaredniuju adukacyju jon atrymaŭ u minskaj biełaruskamoŭnaj himnazii i licei BDU, a paśla advučyŭsia na ekanamičnym fakultecie BDU na mieniedžara. Pa słovach siabroŭ, Andrej pracavaŭ u «Trajple».
Śviatłana Isajonak na paŭhoda maładziejšaja za muža. Jana pracuje ŭ «Savieckaj Biełarusii», śpiecyjalizujecca na kryminalnaj chronicy.
Darečy, starejšaja dačka Lilii Ananič, Volha Saruchanava, niadaŭna stała namieśnikam hałoŭnaha redaktara «Sojuznoho viečie» — heta drukavany orhan parłamienckaha schodu sajuza Biełarusi i Rasii.
