Prezident Zimbabve Muhabe prapanavaŭ aryštavać usich spartsmienaŭ, što vystupali na Alimpijadzie
newsday.co.zw
Prezident Zimbabve Robiert Muhabe addaŭ zahad ab aryšcie ŭsich členaŭ alimpijskaj zbornaj krainy, jak tolki ich samalot pryziamliŭsia ŭ aeraporcie Charare.
Na Hulniach-2016 u Rya vystupaŭ 31 zimbabvijski spartsmien, ale im nie ŭdałosia zavajavać nivodnaha miedala. Samaje vysokaje miesca, jakoje ŭdałosia zaniać atletam z hetaj krainy, — vośmaje.
«My vydatkavali hrošy krainy na hetych pacukoŭ, jakich nazyvajuć spartoŭcami, — pryvodzić BuzzNigeria słovy Muhabe. — Kali vy nie hatovyja achviaravać saboj dziela choć by «miednych» ci «łatunievych» miedaloŭ (majucca na ŭvazie 4-je i 5-je miescy), jak našy susiedzi z Batsvany, značyć, vy prosta spuścili našy hrošy. Kali b nam byli patrebnyja ludzi tolki dla taho, kab źlatać u Braziliju, praśpiavać naš himn i pranieści naš ściah, to my b pasłali kaho-niebudź z vydatnych dziaŭčat i junakoŭ z Univiersiteta Zimbabve.
