Zbornaja Biełarusi na adkryćci Paralimpijady ŭ znak salidarnaści paniasie ściahi Rasii?
Staršynia Paralimpijskaha kamiteta Biełarusi Aleh Šepiel raspavioŭ, što biełaruskija spartsmieny na ŭračystaj cyrymonii adkryćcia Paralimpijskich hulniaŭ u Rya-de-Žaniejra buduć nieści biełaruski i rasiejski ściahi.
«Ja jak kiraŭnik Paralimpijskaha kamiteta Biełarusi nie źbirajusia maŭčać ni tut, ni ŭ Brazilii. Ja navat daručyŭ uziać na adkryćcio Hulniaŭ u Rya biełaruskija i, adnaznačna, rasijskija ściahi. U mianie jany dakładna tam buduć.
Pieršaje adčuvańnie ad rašeńnie CAS? Šok! Ja chaču skazać, što samy niapravilny krok za ŭsiu historyju paralimpijskaha ruchu. A toje, što invalidaŭ staviać u raździeł palityki, — heta naohuł bluźnierstva.
Čamu nichto nie nazyvaje proźviščy ŭładalnikaŭ hetych sprob z dopinham? Jość infarmacyja, što hetyja sproby ź zimovych vidaŭ sportu. Tady pryčym tut letnija? Nazavicie proźviščy i dyskvalifikujcie ich.
Ja ŭpeŭnieny, što niedzie praz paŭhoda pierad Paralimpijskim kamitetam Rasii pačnuć prasić prabačeńnia.
Rasijskim paralimpijcam prapanoŭvali vystupać pad ściaham IPC. Heta žadańnie razdraić hramadstva. Heta (vystupleńnie pad ściaham IPC) nie dapuščalna. Heta čysta palityčny momant. Kali vy budziecie vystupać pad ściaham nie Rasii, tady budziem z vami razmaŭlać. Ale dla hetaha vy pavinny ledź nie pryznavać Rasieju. Ale heta prosta nierealna.
Heta ŭsio palityčny truk, metaj jakoha źjaŭlajecca raskałoć Rasiju. Ale jany nie razumiejuć, što čym horš Rasiei, tym jaje narod bolš zhurtavany», — skazaŭ Šepiel.
Paralimpijskija hulni 2016 hoda projduć u Rya-de-Žaniejra z 7 pa 18 vieraśnia.
