Školnika ź Mielburna pryznali samym pryhožym chłopčykam u śviecie FOTAFAKT
Fota: @william.franklyn.miller/Instagram
Karystalniki Instagram i Twitter pryznali 12-hadovaha aŭstralijca Uiljama Franklina-Milera samym pryhožym u śviecie chłopčykam, piša Daily Mail.
Spačatku akaŭnty Uiljama ŭ sacsietkach stali papularnymi ŭ azijackim siehmiencie internetu. Jaho fatahrafijaj padzialiłasia školnica ź Japonii, i zdymak u jaje Twitter-akaŭncie atrymaŭ tysiačy repostaŭ. Paśla hetaha na Franklina-Milera abrynulisia zapyty na dadańnie ŭ siabry.
«Ja atrymlivaŭ kala sta novych padpisčykaŭ kožnyja try siekundy», — raspavioŭ chłopčyk.
Pa słovach školnika, jon i jaho maci spačatku padumali, što akaŭnty ŭzłamali, ale potym zrazumieli, što adbyłosia, z kamientaroŭ ludziej da fatahrafij. «Ty realna znakamity ŭ Japonii i Kitai», — napisali Uiljamu fałoviery. Jany rabili kamplimienty jaho źniešnaści i zaprašali chutčej pryjechać u ich rodnyja krainy.
Kolkaść padpisčykaŭ «samaha pryhožaha chłopčyka» ŭ Instagram dasiahnuła 152 tysiač, pryčym, pa słovach Franklina-Milera, kolkaść fałovieraŭ vyrasła ŭ sotni razoŭ za dvoje sutak z momantu publikacyi jaho fota japonkaj.
Jak udakładniaje Daily Mail, Uiljam z vaśmi hadoŭ pracuje madellu i robić pieršyja kroki ŭ akciorskaj karjery. U pryvatnaści, jon źniaŭsia dla kaladnaj rekłamy ŭniviermaha Harrod's i ŭ aŭstralijskim telesieryjale «Džek Ajryš».
