Kiepskija naviny dla Biełarusi: kitajskija ŚMI paviedamlajuć pra adkryćcio bujnoha radovišča kaliju
Kitajskaje ahienctva «Sińchua» pieradaje, što ŭ kitajskaj pravincyi Cynchaj znojdziena bujnoje radovišča kalijnych solaŭ.
Ilustracyjnaje fota Vk.com.
«Jak paviedamili ŭ Ministerstvie ziamielnych i pryrodnych resursaŭ KNR, pa vynikach papiaredniaj hieałahičnaj raźviedki ŭ zachodniaj častcy Cajdamskaj katłaviny vyjaŭlena bolš za 156 młn ton chłorystaha kaliju. Miarkujecca, što jašče bolšyja zapasy buduć znojdzieny pry praviadzieńni dalejšaj vyviedki», — piša Sińchua.
Na siońnia Kitaj źjaŭlajecca najbujniešym imparcioram kalijnych uhnajeńniaŭ u śviecie. Ułasnaja zdabyča pakryvaje tolki 30% patreb krainy z nasielnictvam 1,4 miljarda čałaviek.
Štohod Kitaj uvozić kala 6 młn ton takich uhnajeńniaŭ. Kitajski rynak — asnoŭny dla «Biełaruśkalija».
«Biełaruśkalij» — druhaja pa značnaści krynica valutnych pastupleńniaŭ dla Biełarusi.
Ciapier 60% vytvorčaści kaliju ŭ śviecie prypadaje na Biełaruś, Kanadu i Rasiju.
Kali infarmacyja pra novaje bujnoje radovišča ŭ Kitai spraŭdzicca, heta harantavana vykliča źnižeńnie cany na kalij u siarednieterminovaj pierśpiektyvie, jakija i tak za hod źmienšylisia na 100 dalaraŭ za tonu.
Pavodle Biełstata, za studzień-maj 2015 hoda Biełaruś pastaviła za miežy SND 2370 tysiač ton kalijnych uhnajeńniaŭ na 1,2 miljarda dalaraŭ, a za anałahičny pieryjad 2016 hoda — 1,851 tysiač ton, usiaho na 720 młn.