Miedyki zaniepakojenyja śpiakotnym nadvorjem na Dzień Niezaležnaści
Ministerstva achovy zdaroŭja zrabiła ŭsio nieabchodnaje dla miedycynskaha zabieśpiačeńnia praviadzieńnia śviatočnych mierapryjemstvaŭ, jakija majuć adbycca z nahody Dnia Niezaležnaści Biełarusi, zajaviŭ na pres-kanfierencyi 28 červienia načalnik adździeła arhanizacyi miedycynskaj abarony pry nadzvyčajnych situacyjach Ministerstva achovy zdaroŭja Aleh Pančuk.
Pry hetym jon padkreśliŭ, što «ŭ Minsku na miedzabieśpiačeńnie nakładajuć składanaści čakanaja vielmi vialikaja kolkaść ludziej na zapłanavanych mierapryjemstvach i śpiakotnaje nadvorje».
«Čakajecca vielmi surjoznaje śpiakotnaje nadvorje. Heta budzie ŭpłyvać na arhanizacyju miedycynskaha zabieśpiačeńnia ŭ cełym i miedzabieśpiačeńnia vieteranaŭ, jakich z rehijonaŭ dastaviać u Minsk na vajenny parad. Heta budzie zroblena ŭ supravadžeńni miedycynskich rabotnikaŭ», — adznačyŭ pradstaŭnik Ministerstva achovy zdaroŭja.
Pavodle jaho słoŭ, u Minsku ŭ miescach praviadzieńnia masavych mierapryjemstvaŭ buduć dziažuryć bryhady chutkaj miedycynskaj dapamohi. Kliničnyja balnicy i RNPC hatovyja da pryjomu paciarpiełych. Jany ŭzmocnieny śpiecyjalistami chirurhičnaha profilu i aniestezijałohii. «Zareziervavana nieabchodnaja kolkaść łožkaŭ», — zapeŭniŭ Pančuk.
Pavodle jaho infarmacyi, padčas parada 3 lipienia ŭ Minsku buduć dziažuryć 22 asnoŭnyja i 14 reziervovych bryhad chutkaj miedycynskaj dapamohi, uviečary — na hała-kancercie i salucie — 19 i 14 bryhad adpaviedna.
