Intelihiencyja zaklikała nadać aeraportu «Minsk-2» imia Skaryny
Pradstaŭniki biełaruskaj intelihiencyi źviarnulisia da premjer-ministra Andreja Kabiakova, Minharvykankam i Minharsaviet i prezidenta Biełarusi Alaksandra Łukašenki z prośbaj ad ušanavańni 500-hodździa biełaruskaha knihadruku
Da 500-hodździa biełaruskaha knihadrukavańnia
Staršyni Savieta ministraŭ Andreju Uładzimiraviču Kabiakovu
Šanoŭny spadar Staršynia!
«U 2017-m hodzie Biełaruś budzie adznačać adnu z najvažniejšych dataŭ svajoj historyi i kultury – 500-hodździe biełaruskaha i ŭschodniesłavianskaha knihadrukavańnia i biełaruskaj Biblii.
U suviazi z hetym prosim Vas adznačyć hetuju słaŭnuju datu nastupnym čynam:
1. Nacyjanalnamu aeraportu Respubliki Biełaruś nadać imia Franciška Skaryny i ŭ dalejšym nazyvać jaho «Nacyjanalny aeraport imia Franciška Skaryny».
Na siońniašni dzień bolš za 300 aeraportaŭ u śviecie nosiać imiony najbolš značnych dla adpaviednaj krainy ci rehijona asobaŭ. Tak, jeŭrapiejskija aeraporty prasłaŭlajuć imiony Leanarda da Vinčy (Rym), Marka Poła (Vieniecyja), Chrystafora Kałumba (Hienuja), Halilea Halileja (Piza), Alaksandra Vialikaha (dva aeraporty, u Kavale ŭ Hrecyi i ŭ Skopje ŭ Respublicy Makiedonija), Volfhanha Amadeja Mocarta (Zalcburh), Frederyka Šapena (Varšava), Mikałaja Kapiernika (Urocłaŭ), Fieranca Lista (Budapiešt), Šarla de Hola (Paryž), Antuana de Sent-Ekziupiery (Lijon) i mnohich inšych. Na naš pohlad, da hetaha suzorja z hodnaściu dałučyłasia b takaja vialikaja asoba biełaruskaj i jeŭrapiejskaj kultury, jak Francišak Skaryna.
2. Inicyjavać pierad uradam Litoŭskaj Respubliki i orhanami samakiravańnia horada Vilni (siońnia – Vilnius) ustalavańnie siłami Respubliki Biełaruś pomnika Francišku Skarynu ŭ centry nazvanaha horada.
Svaje knihi ŭ Vilni Francišak Skaryna, uradženiec horada Połacka, vydavaŭ u pieryjad z 1522 pa 1525 hod, staŭšy takim čynam pieršadrukarom Vilni i Vialikaha Kniastva Litoŭskaha.
3. Inicyjavać pierad uradami Polščy, Ukrainy i Rasijskaj Fiederacyi i orhanami samakiravańnia haradoŭ Krakaŭ (Polšča), Kijeŭ (Ukraina), Maskva (Rasijskaja Fiederacyja) ustalavańnie siłami Respubliki Biełaruś pomnikaŭ Francišku Skarynu ŭ vyšejnazvanych haradach.
Francišak Skaryna atrymaŭ univiersiteckuju adukacyju i pačaŭ šlach da svajoj nacyjanalnaj i jeŭrapiejskaj słavy ŭ staražytnym Krakavie. Akramia taho, jon daŭ drukavanuju knihu ŭsim uschodniesłavianskim narodam: jaho dasiahnieńni i zdabytki paźniej vykarystoŭvalisia vydaŭcami i drukarami na terytoryi sučasnych Rasii i Ukrainy.
U Minski haradski Saviet deputataŭ i Minski haradski vykanaŭčy kamitet
U 2017-m hodzie Biełaruś budzie adznačać adnu z najvažniejšych dataŭ svajoj historyi i kultury – 500-hodździe biełaruskaha knihadrukavańnia i biełaruskaj Biblii.
U suviazi z hetym prosim Vas ušanavać hetuju słaŭnuju datu nadańniem imia Franciška Skaryny adnoj z centralnych mahistralaŭ (praśpiektaŭ) biełaruskaj stalicy. Na naš pohlad, u praśpiekt Franciška Skaryny mahli b być abjadnanyja vulicy Śviardłova i Majakoŭskaha abo Surhanava i Arłoŭskaja. Taksama moh by razhladacca varyjant abjadnańnia vulic Maskoŭskaj i Čkałava abo viartańnia imia Franciška Skaryny hałoŭnamu praśpiektu stalicy Biełarusi ad płoščy Niezaležnaści i da vyjezdu z horada ŭ paŭnočna-ŭschodnim napramku.
U hetym vypadku nazvu praśpiekta Niezaležnaści mahčyma było b nadać vulicam Maskoŭskaj i Čkałava – da płoščy Niezaležnaści.
Prezidentu Respubliki Biełaruś Alaksandru Ryhoraviču Łukašenku
Šanoŭny spadar Prezident,
u 2017-m hodzie Biełaruś budzie adznačać adnu z najvažniejšych dataŭ svajoj historyi i kultury – 500-hodździe biełaruskaha knihadrukavańnia i biełaruskaj Biblii.
U suviazi z hetym prosim Vas abviaścić Biełaruskim Dniom Druku 6 žniŭnia – bieručy pad uvahu datu vydańnia Franciškam Skarynam pieršaj knihi, u jakoj užyvałasia starabiełaruskaja mova.
Da ciapierašniaha času ŭ Respublicy Biełaruś Dniom druku zastajecca 5 traŭnia, jaki byŭ pryniaty ŭ SSSR u suviazi z pačatkam vydańnia Leninym u 1912 h. haziety «Pravda». Dla krainy z paŭtysiačahadovaj historyjaj knihadrukavańnia takaja data śviatkavańnia Dnia druku, na naš pohlad, źjaŭlajecca zusim nie abhruntavanaj.
Podpisy pad zvarotami pastavili
Radzim Harecki, akademik NANB, doktar hieołaha-minierałahičnych navuk, zasłužany dziejač navuki Biełarusi,
Leanid Łyč, doktar histaryčnych navuk,
Hienadź Łyč, akademik NANB, doktar ekanamičnych navuk, prafiesar, zasłužany dziejač navuki,
Adam Maldzis, doktar fiłałahičnych navuk,
Eduard Ahunovič, zasłužany dziejač kultury Respubliki Biełaruś, Łaŭreat Dziaržaŭnaj premii Biełarusi, siabra Biełaruskaha sajuza mastakoŭ,
Michaś Kaściuk, akademik NANB, doktar histaryčnych navuk,
Hieorhij Halenčanka, doktar histaryčnych navuk,
Alaksiej Kaŭka (Maskva), doktar fiłałahičnych navuk,
Piotr Sadoŭski, kandydat fiłałahičnych navuk, pieršy pasoł RB u Hiermanii,
Valancin Hołubieŭ, doktar histaryčnych navuk,
Arsień Lis, doktar fiłałahičnych navuk,
Mikoła Kupava, siabra Biełaruskaha sajuza mastakoŭ,
Iryna Łaŭroŭskaja, doktar urbanistyki,
Iryna Bahdanovič, kandydat fiłałahičnych navuk,
Źmicier Sańko, hałoŭny redaktar vydaviectva «Technałohija»,
Mikoła Savicki, prafiesar, kandydat ekanamičnych navuk,
Iryna Dubianieckaja, doktar sakralnaj teałohii,
Hanna Zapartyka, dyrektar Biełaruskaha dziaržaŭnaha archiva-muzieja litaratury i mastactva,
Viktar Skarabahataŭ, prafiesar Biełaruskaj Dziaržaŭnaj Akademii mastactvaŭ, Łaŭreat Dziaržaŭnaj premii, zasłužany artyst Biełarusi,
Aleś Žłutka, kandydat fiłałahičnych navuk,
Kastuś Ćvirka, kandydat histaryčnych navuk, hałoŭny redaktar vydaviectva «Biełaruski knihazbor»,
Aleś Lavončyk, łaŭreat respublikanskaha konkursu, siabra Biełaruskaha sajuza teatralnych dziejačaŭ,
Aleś Łozka, kandydat fiłałahičnych navuk, staršynia Tavarystva Biełaruskaj Škoły,
Jury Žyhamont, aktor, viadučy prahramy «Padarožžy dyletanta»,
Miečysłaŭ Hryb, hienierał milicyi ŭ adstaŭcy, Staršynia Viarchoŭnaha Savieta RB (1994—1996),
Michaś Mušynski, doktar fiłałahičnych navuk, člen-karespandent NAN Biełarusi,
Michaś Huryn, doktar histaryčnych navuk,
Zinaida Bandarenka, narodnaja artystka Biełarusi,
Stanisłaŭ Šuškievič, člen-karespandent NANB, doktar fizika-matematyčnych navuk, zasłužany dziejač navuki i techniki Biełarusi, Staršynia Viarchoŭnaha Savieta RB (1991—1994),
Śviatłana Barankoŭskaja, staršynia viciebskaj abłasnoj arhanizacyi Biełaruskaha sajuza mastakoŭ,
Aleś Kraŭcevič, doktar histaryčnych navuk,
Aleh Trusaŭ, kandydat histaryčnych navuk, staršynia Tavarystva Biełaruskaj movy imia Franciška Skaryny,
Anatol Vierabiej, kandydat fiłałahičnych navuk,
Barys Piatrovič, staršynia Sajuza biełaruskich piśmieńnikaŭ,
Nina Stužynskaja, kandydat histaryčnych navuk,
Jazep Januškievič, kandydat fiłałahičnych navuk,
Łarysa Hiedzimin, kandydat fiłałahičnych navuk,
Leŭ Kazłoŭ, doktar histaryčnych navuk,
Edvard Zajkoŭski, kandydat histaryčnych navuk.
