Čatyry bajavyja samaloty ździejśnili pasadku na trasu M4
Dva vučebna-bajavyja Jak-130 i dva źniščalniki MiH-29 uviečary 18 maja ździejśnili pasadku na aeradromny ŭčastak darohi (AUD) M-4 Minsk — Mahiloŭ pamiž Červieniem i Bierazino.
Kala 23 hadzin, kali ŭžo budzie zusim ciomna, čakajecca pasadka na AUD šturmavika Su-25.
Paśla dazapraŭki i padvieski ŭzbrajeńnia samaloty palaciać z časovaha aeradroma na palihony dla bajavoha prymianieńnia.
Pasadka ažyćciaŭlajecca ŭ ramkach lotna-taktyčnych vučeńniaŭ VPS i vojskaŭ SPA Uzbrojenych sił Biełarusi.
Na vučeńniach adpracoŭvajecca šerah vučebna-bajavych zadač, u tym liku pasadka na aeradromny ŭčastak aŭtamabilnaj darohi, dziejańni źniščalnaj avijacyi ź inšymi rodami avijacyi pa źniščeńni pavietranych celaŭ, patrulavańnie pavietranaj prastory pablizu dziaržaŭnaj miažy. Akramia taho, ekipažy vykanajuć bombakidańnie na adnym z avijacyjnych palihonaŭ krainy.
Asablivaść vučeńniaŭ składajecca ŭ tym, što ŭpieršyniu pasadka na aeradromny ŭčastak aŭtamabilnaj darohi vykonvajecca ŭ ciomny čas sutak.
Na asabisty skład padraździaleńniaŭ vojskaŭ suviazi ŭpieršyniu ŭskładzieny zadačy pa abstalavańni AUD śviatłotechničnymi srodkami anałahična stacyjanarnamu aeradromu, na padraździaleńni radyjotechničnych vojskaŭ — radyjołakacyjny kantrol palotaŭ avijacyi pa zadadzienych maršrutach, vydača radyjołakacyjnaj infarmacyi na punkty bajavoha kiravańnia avijacyi.
Avijacyjnaje prykryćcio aeradromnaha ŭčastka aŭtamabilnaj darohi ažyćciaŭlajuć viertaloty Mi-24 sa składu 50-j źmiašanaj avijacyjnaj bazy, a na prylehłaj da aeradromnaha ŭčastku aŭtamabilnaj darohi terytoryi raźmieščany padraździaleńni sił śpiecyjalnych apieracyj Uzbrojenych sił.
U VPS i vojskach SPA pytańni vykarystańnia ŭčastkaŭ aŭtamabilnych daroh u jakaści zapasnych aeradromaŭ pačali surjozna adpracoŭvacca z 2007 hoda.
