Biełteleradyjokampanija ŭstupiła ŭ Azijacka-Cichaakijanski viaščalny sajuz
Pra heta paviedamili ŭ pres-słužbie Biełteleradyjokampanii.
«U adras miedyjachołdynha pastupiła piśmo z hałaŭnoha ofisa Azijacka-Cichaakijanskaha viaščalnaha sajuza z paviedamleńniem ab tym, što bolšaściu hałasoŭ paŭnapraŭnych členaŭ Biełteleradyjokampanija pryniata ŭ skład sajuza ŭ jakaści asacyjaavanaha člena», — raskazali ŭ pres-słužbie. Ustupleńnie ŭ AVS adkryvaje dla Biełteleradyjokampanii takija mahčymaści, jak štodzionny abmien navinami, sumiesny vypusk i abmien prahramami, centralizavanaja zakupka pravoŭ na kantent.
Udzieł u arhanizacyi — heta i sadziejničańnie suśvietnych ekśpiertaŭ pa techničnych, prahramnych, jurydyčnych i kiraŭnickich pytańniach. AVS — heta mahčymaść abmieńvacca vopytam praz udzieł u bujnych mižnarodnych forumach i kanfierencyjach. Taksama AVS — heta mahčymaść navučać supracoŭnikaŭ na mižnarodnych treninhach, sieminarach i kursach pavyšeńnia kvalifikacyi, što pravodziacca z udziełam suśvietnych lidaraŭ u halinie teleradyjoviaščańnia.
Azijacka-Cichaakijanski viaščalny sajuz (ABC — Asia-Pacific Broadcasting Union) zasnavany ŭ 1964 hodzie jak niekamiercyjnaja i niedziaržaŭnaja prafiesijnaja arhanizacyja. Hałaŭny ofis znachodzicca ŭ Kuała-Łumpur (Małajzija). Ciapier AVS — heta adna z najbujniejšych placovak dla padtrymki intaresaŭ viaščalnych kampanij na rehijanalnym i mižnarodnym uzroŭniach. U jaho ŭvachodzić 280 teleradyjoviaščalnych arhanizacyj z 68 krain i rehijonaŭ.
