Biełarusy pabačać «kryvavy Supiermiesiac» 28 vieraśnia
Poŭnaje zaćmieńnie Supiermiesiaca budzie naziracca ŭpieršyniu za 33 hady.
Ziamlanie pa abodva bierahi Atłantyčnaha akijanu zmohuć nazirać poŭnaje zaćmieńnie miesiaca padčas taho, jak miesiac budzie najbližej da Ziamli unočy 28 vieraśnia, paviedamlaje NASA.
Miesiac budzie bačny ź Ziamli na 14% bolšym za zvyčajnyja pamiery i na tracinu bolš jaskravym («Supiermiesiac»). Tam, dzie Miesiac całkam trapić u cień Ziamli, jon nabudzie čyrvonaje adcieńnie («kryvavy Miesiac»).
Pa biełaruskim časie častkovaje zaćmieńnie pačniecca kala 4:07 nočy. Miesiac całkam schavajecca ŭ cieniu Ziamli i stanie «kryvavym» u 5:11. U 6:23 Miesiac pačnie vychodzić ź cieniu. Kala 7 ranicy možna budzie nazirać užo tolki častkovaje zaćmieńnie (jakraz u hety čas uzydzie Sonca), dy ŭ 7:27 Miesiac schavajecca za niebakrajem.
Z dobraj pałovy śvietu možna čakać zachaplalnych fota «kryvavaha Supiermiesiaca» — takaja kambinacyja blizkaj adlehłaści Miesiaca da Ziamli i poŭnaha zaćmieńnia zdarajecca redka. Apošni raz «kryvavy Supiermiesiac» naziraŭsia až u 1982 hodzie (a ahułam za XX stahodździe tolki piać raz), nastupny budzie bačny ŭ 2033-m.
Darečy, ź Miesiaca zaćmieńnie vyhladaje tak.
