Ułady Ukrainy patłumačyli, navošta im «zakon Janukoviča»
Prezident Ukrainy Piatro Parašenka paprasiŭ Kanstytucyjny sud acanić kanstytucyjnaść zakona ab pazbaŭleńni Viktara Janukoviča zvańnia prezidenta Ukrainy, kab zakon było nielha abskardzić u budučyni, patłumačyli ŭ jaho administracyi.
«Źviarnuŭšysia ž u KS z zapytam ab kanstytucyjnaści rašeńnia Viarchoŭnaj Rady, prezident zrabiŭ całkam vidavočny jurydyčny chod, abhruntavany nieabchodnaściu być upeŭnienym, što ŭ budučyni hety zakon nie zmoža być abskardžany ŭ lubym sudzie — ni va Ukrainie, ni za miažoj. My ŭpeŭnienyja, što paśla rašeńnia Kanstytucyjnaha suda takoje abskardžańnie stanie ŭžo niemahčymym», — skazaŭ namieśnik kiraŭnika administracyi prezidenta Vital Kavalčuk.
Pavodle kanstytucyi Ukrainy, zvańnie prezidenta źjaŭlajecca pažyćciovym dla ŭsich kiraŭnikoŭ krainy. Vyklučeńnie składajuć vypadki, kali kiraŭnik dziaržavy spyniŭ svaje paŭnamoctvy ŭ vyniku impičmentu.
Janukovič nie padviarhaŭsia impičmientu, prezidenckich paŭnamoctvaŭ jaho pazbaviła Viarchoŭnaja rada paśla taho, jak jon źbieh u Rasiju. Va ŭkrainskim parłamiencie hetaje rašeńnie tłumačyli tym, što Janukovič faktyčna «samaŭchiliŭsia» ad prezidenctva.
Zakon ab pazbaŭleńni Janukoviča zvańnia prezidenta, padpisany Parašenkam, ustupiŭ u siłu 17 červienia.
