Alaksandra Avierkava źniali z prahramy «Kontury»
Alaksandr Avierkaŭ, fota mediapsart.ru.
«Dziakuj, ja nie daju intervju», — zajaviŭ sam televiadučy, nie vysłuchaŭšy navat pytańnie ad «Našaj Nivy».
U pres-słužbie ANT patłumačyli, što ŭ roli viadučych «Konturaŭ» buduć sprabavać siabie 5—6 žurnalistaŭ. «U nas šmat maładych talenavitych viadučych. Ubačycie praktyčna ŭvieś naš kalektyŭ», — skazali tam.
Taki kastynh — časovaja źjava. Ale ci vierniecca Avierkaŭ u «Kontury», paśla budzie vyrašać kiraŭnictva telekanała. Ciapier viadučaha možna bačyć u vypuskach navinaŭ.
Alaksandr Avierkaŭ apošni raz u «Konturach» źjaviŭsia 28 śniežnia. 4 studzienia prahramu vioŭ užo Jaŭhien Łaškoŭski, 11 studzienia — Rusłan Paddubski.
Avierkaŭ naradziŭsia ŭ 1960 hodzie ŭ Sarataŭskaj vobłaści Rasii. Vypusknik teatralnaha vučylišča imia Ščepkina. Pa raźmierkavańni apynuŭsia na Biełaruskim telebačańni. Z 2002 hoda pracuje na telekanale ANT. U 2006 jaho ŭznaharodzili miedalom Francyska Skaryny, a ŭ 2010 jon atrymaŭ zvańnie zasłužanaha dziejača kultury. Z 50-hodździem, miž inšym, Avierkava pavinšavaŭ asabista Alaksandr Łukašenka, za što jaho nazyvajuć lubimym viadučym kiraŭnika dziaržavy.
Hladzicie taksama: Piać faktaŭ pra Alaksandra Avierkava
