Premija Hiedrojca: Chadanoviča, Akudoviča i Piatroviča bolš u žury nie budzie
Aksakał litaraturnaha pracesu Valancin Akudovič zaraz budzie vybirać sudździaŭ.
U pracedury prysudžeńnia Premii imia Ježy Hiedrojca płanujecca šerah źmienaŭ. Hałoŭnaje novaŭviadzieńnie ŭ tym, što žury zaraz budzie vyznačacca śpiecyjalnym kamitetam, u jaki ŭvojduć staršynia Biełaruskaha PEN-centra, staršynia Sajuza biełaruskich piśmieńnikaŭ, a taksama asoba, jakuju jany vybrali ź siabroŭ žury minułych hadoŭ. Siabry kamiteta nie zmohuć abiracca ŭ žury.
Takim čynam, staršynia PENa Andrej Chadanovič, staršynia SBP Barys Piatrovič, a taksama Valancin Akudovič, jakoha vybrali ŭ kamitet, dakładna nie ŭvojduć u žury 2015 hoda.
Skład žury budzie viadomy na pačatku listapada. Darečy, kožny achvočy moža pakidać prapanovy nakont taho, kaho jon žadaje bačyć siarod siabraŭ žury. Hetyja kandydatury taksama buduć razhledžanyja kamitetam. Prapanovy možna pakinuć na staroncy PENa ŭ Facebook, Ukantakcie, dasłać na e-mail: [email protected].
