Mama z małaletnim synam vyjšli na Kastryčnickuju płošču z płakatam «Śmierć kramloŭskim akupantam» FOTAFAKT

U znak pratestu suprać padpisańnia ŭ Astanie damovy ab stvareńni Jeŭrazijskaha ekanamičnaha sajuza ŭ 19 hadzin Volha Burnievič, Volha Žuraŭlova i Siarhiej Kačura vyjšli na płošču z płakatam «Śmierć kramloŭskim akupantam!».

Praź niekalki chvilin pryjechaŭ aŭtobus z AMAPam. Aktyvisty byli zatrymanyja i dastaŭleny ŭ Centralnaje RUUS, paviedamiŭ kiraŭnik hram. inicyjatyvy «Alternatyva» Aleh Korban BiełaPANu.

Pa zakančeńni troch hadzin paśla zatrymańnia ź milicyi vyjšła Žuraŭlova, u dačynieńni da jakoj składzieny pratakoł za arhanizacyju niesankcyjanavanaha mierapryjemstva. 2 červienia jana pavinna źjavicca ŭ sud. «Mahčyma, Volhu adpuścili tamu, što na akcyju jana pryjšła z małaletnim dziciem», — skazaŭ Korban.

fota z fb Aleha Korbana

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0