Upieršyniu ŭ śviecie zarehistravany vypadak pieradačy VIČ ad žančyny da žančyny
Havorka idzie pra dźviuch 40-hadovych žančyn z Chjustana, ZŠA. Adna z partniorak była infikavanaja VIČ i prachodziła lačeńnie. Druhaja pryjšła ŭ kliniku ź simptomami, padobnymi da simptomaŭ hrypu. Spačatku test daŭ admoŭny vynik, ale praź niejki čas testy stali stanoŭčymi.
Zachvarełaja žančyna nie mieła inšych seksualnych partnioraŭ na praciahu šaści miesiacaŭ da zaražeńnia.
Pra pieršy paćvierdžany vypadak pieradačy VIČ ad žančyny žančynie paviedamiŭ amierykanski Centr pa kantroli i prafiłaktycy zachvorvańniaŭ. Śpiecyjalisty nazyvajuć mahčymaść zaražeńnia VIČ pry leśbijskim kantakcie vyklučna redkaj. U dadzienym vypadku hienietyčny analiz pakazaŭ, što virus u abiedźviuch žančyn identyčny na 98 %. Heta dakazvaje, što adna zaraziłasia ad inšaj. Va ŭsich astatnich vypadkach, kali było padazreńnie na zaražeńnie VIČ u leśbijskich parach, ci nie było hienietyčnaha paćvierdžańnia, ci miełasia vierahodnaść infikavańnia ad mužčyny, abo inšym šlacham.
Śpiecyjalisty papiaredžvajuć, što pry lubym seksualnym kantakcie z zaražanym partnioram nieabchodna zaścierahacca.
