Nazvanyja filmy asnoŭnaha konkursu Kanskaha kinafiestyvalu 2013
U śpis trapili filmy bratoŭ Koenaŭ, Ramana Pałanski, Styviena Soderbierha dy inšych.
Abvieščanyja ŭdzielniki asnoŭnaha konkursu 66-ha Kanskaha kinafiestyvalu, paviedamlajecca na sajcie ahladu. Siarod filmaŭ, jakija buduć zmahacca za hałoŭny pryz, — novyja karciny Nikałasa Vindynha Refna («Tolki Boh daruje»), Paoła Sarencinv, Styviena Soderbierha («Za kandelabrami»), Ramana Pałanski («Vieniera ŭ miachach»), Fransua Azona («Usiaho 17 »), Itana i Džoeła Koenaŭ («Unutry Ljuna Devisa»). Usiaho ŭ konkursie biaruć udzieł 19 filmaŭ.
Staršynioj žury asnoŭnaha konkursu abrany amierykanski režysior i pradziusier Styvien Śpiłbierh.
66-j Kanski kinafiestyval projdzie z 15 pa 26 maja 2013 hoda. Na adkryćci budzie pakazana karcina Baza Łurmana «Vialiki Hetśbi» ź Leanarda Dy Kaprya u hałoŭnaj roli, a na zakryćci — film francuzskaha režysiora Žeroma Sali «Zułu». Vieści cyrymonii adkryćcia i zakryćcia budzie aktrysa Adry Tatu.