Uił Śmit patłumačyŭ admovu ad roli Džanha

Akcior Uił Śmit patłumačyŭ svaju admovu ad roli Džanha ŭ filmie Kviencina Tarancina «Džanha vyzvaleny» ŭ intervju časopisu Entertainment Weekly.

Śmit vyrašyŭ nie vykonvać rolu čarnaskuraha raba, bo nie paličyŭ jaho hałoŭnym piersanažam karciny. Na dumku akciora, hałoŭnym hierojem filma źjaŭlajecca «palaŭničy na hałovy» ŭ vykanańni Krystafa Valca.

Akcior raspavioŭ, što navat prasiŭ Kviencina Tarancina pamianiać scenar i pašyryć rolu Džanha. «Mienavita ja pavinien zabić drennaha chłopca!» - arhumientavaŭ Śmit, adnak režysior admoviŭsia mianiać pad jaho scenar.

Pry hetym Śmit vykazaŭsia pra karcinu dobrazyčliva: «Heta bliskučy film. Prosta jon nie dla mianie».

***

Viestern «Džanha vyzvaleny» vyjšaŭ u śniežni 2012 hoda. U im raspaviadajecca pra čarnaskuraha amierykanskaha raba Džanha, jakoha vykuplaje «palaŭničy na hałovy» i praciŭnik rabaŭładańnia Kinh Šulc. Rola Džanha dastałasia Džejmi Foksu.

U 2013 hodzie «Džanha vyzvaleny» atrymaŭ premiju Amierykanskaj kinaakademii za najlepšy scenar, a vykanaŭca roli «palaŭničaha» Krystaf Valc atrymaŭ uznaharodu za najlepšuju rolu druhoha płana.

lenta.ru

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0