Brus Uilis zdymiecca i ŭ šostym «Mocnym arešku»

Amierykanski akcior Brus Uilis paviedamiŭ, što zdymiecca ŭ šostaj častcy «Mocnaha areška».

Na pieradačy telekanała «Bi-Bi-Si» One Show Uilisu zadali pytańnie, ci budzie źniaty praciah «Mocnaha areška» ź jaho udziełam. Akcior, uśmichnuŭšysia, adkazaŭ: «Tak».

7 lutaha ŭ Łondanie adbudziecca jeŭrapiejskaja premjera bajevika «Mocny arešak: Dobry dzień, kab pamierci» («A Good Day to Die Hard»). U stalicu Vialikabrytanii na pakaz zaprošany vykanaŭcy hałoŭnych rolaŭ -- akciory Brus Uilis i Džej Kortni, a taksama režysior Džon Mur [Minskaja premjera filma adbudziecca 14 lutaha].

Dziejańnie 5-j karciny, dzie Brus Uilis vykonvaje rolu Džona Maklejna, razhortvajecca ŭ Maskvie.

U «Mocnym arešku -- 5» hieroj Uilisa pryjechaŭ u rasijskuju stalicu, kab vyzvalić z-za krataŭ svajho syna Džeka i vystupić suprać miascovaj arhanizavanaj złačynnaści.

Pieršy «Mocny arešak» vyjšaŭ na ekran u 1988 hodzie, 25 hadoŭ tamu.

Mienavita hetaja karcina čverć stahodździa tamu zrabiła Uilisa zorkaj bajevikoŭ. Paśla akcior źniaŭsia jašče ŭ čatyroch sikviełach filma ŭ 1990, 1995, 2007 i 2012 hadach.

19 sakavika 2013 Brusu Uilisu spoŭnicca 58 hadoŭ.

lenta.ru

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH