«Biełaruś-2» bolš nie budzie pakazvać matčy anhlijskaj premjer-lihi

Pra heta ŭ intervju Goals.by zajaviŭ namieśnik dyrektara hałoŭnaj dyrekcyi spartyŭnaha viaščańnia Biełteleradyjokampanii Alaksandr Kaziukievič.

Pa vynikach hetaha siezona ŭ kanała skančajecca termin dziejańnia damovy na pakaz matčaŭ anhlijskaj prem'jer-lihi (dalej APŁ). Novuju budziecie zaklučać?

— Płata za pravy raście. A suadnosiny koštu i ličbaŭ rejtynhu dla nas nie zusim pryvabnyja. Nie dumaju, što kanał hatovy zaklučać novaje pahadnieńnie.

Jość jašče pytańnie ekskluzivu. «Sietanta» tranśluje APŁ, čym «kradzie» častku aŭdytoryi. U spartyŭnych kanałaŭ zaŭsiody pieravaha.

— Jakaja suma?

— Dla kožnaj krainy svaja, ale istotnaja. Možna zabiaśpiečyć kanał tranślacyjami žanočaha tenisa na niekalki hadoŭ.

— Niešta futbolnaje budzie zamiest Anhlii?

— Varyjanty jość, ale my jašče nie vyznačylisia, što ŭ nas budzie ź biełaruskim futbołam — jak my jaho budziem pakazvać.

Dobra my — fiederacyja tolki napiaredadni vyznačyłasia. Dzialeńnie na šaściorki cikaviej dla telebačańnia. U druhoj pałovie siezona budzie našmat bolš kłasnych matčaŭ, jakija buduć vyklikać bolšuju cikavaść…