Łanskaja vystupić na «Jeŭrabačańni-2013» u pieršym paŭfinale

Jak paviedamlaje pres-słužba Biełteleradyjokampanii, takija vyniki losavańnia, jakoje prajšło 17 studzienia ŭ Malmio (Šviecyja).

Udzielnikami 58-ha mižnarodnaha konkursu pieśni «Jeŭrabačańnie-2013» u Šviecyi buduć 39 krain.

Pieršy paŭfinał piesiennaha forumu adkryje Danija, a zavieršycca kvalifikacyjny raŭnd vystupleńniem pradstaŭnika Małdovy. Taksama ŭ pieršym paŭfinale vystupajuć i hałasujuć Charvatyja, Ukraina, Hałandyja, Aŭstryja, Słavienija, Estonija, Rasija, Litva, Sierbija, Irłandyja, Kipr, Čarnahoryja, Bielhija.

Druhi paŭfinał 16 maja adkryje Łatvija, zavieršyć — pradstaŭnik Rumynii. Usiaho ŭ druhim paŭfinale vystupić 17 udzielnikaŭ.

Krainy vialikaj piaciorki (Italija, Ispanija, Hiermanija, Francyja, Vialikabrytanija) i Šviecyja, jak arhanizatar konkursu hetaha hoda, aŭtamatyčna traplajuć u finał, jaki projdzie 18 maja. Adnak jany taksama tranślujuć paŭfinały i hałasujuć za ich udzielnikaŭ. Italija, Šviecyja i Vialikabrytanija buduć aceńvać kankursantaŭ pieršaha paŭfinału, Hiermanija, Francyja i Ispanija — druhoha.

Pad jakim numaram Alena Łanskaja vystupić u pieršym paŭfinale 14 maja, stanie viadoma na sustrečy kiraŭnikoŭ delehacyj krain-udzielnic u sakaviku, kali pradziusiery šou vyznačać čarhovaść vystupleńniaŭ kankursantaŭ u kožnym paŭfinale.

Sioleta arhanizatary «Jeŭrabačańnia» admovilisia ad tradycyjnaha losavańnia. Jany raźmiarkujuć udzielnikaŭ u takim paradku, u jakim paličać patrebnym, kab vyklučyć, da prykładu, vystupleńnie dvuch zapar liryčnych vykanaŭcaŭ.

Konkurs «Jeŭrabačańnie-2013» projdzie 14–18 maja.

Pramuju tranślacyju dvuch paŭfinałaŭ i finału budzie vieści kanał «Biełaruś 1».

Pieśnia, ź jakoj Alena Łanskaja vystupić na «Jeŭrabačańni»

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH