Devid Boŭi ŭpieršyniu za 10 hadoŭ vypuściŭ novy sinhł — videa

Kultavy brytanski śpiavak Devid Boŭi u dzień svajho 66-hodździa (siońnia, 8 studzienia) vypuściŭ novy sinhł, upieršyniu za doŭhija hady maŭčańnia. U hety ž dzień vyjšaŭ videaklip na pieśniu Where Are We Now? («Dzie my ciapier?»)

Pieśnia ŭvojdzie ŭ novy albom The Next Day («Nastupny dzień»), jaki, jak čakajecca, vyjdzie ŭ sakaviku.

Boŭi nie vystupaŭ z 2006 hoda. U apošnija hady jon taksama redka pakazvaŭsia na ludziach. Apošni albom Reality («Realnaść») jon vypuściŭ u 2003 hodzie.

Novaja pieśnia była zapisanaja ŭ Ńju-Jorku. Jaje pradziusavaŭ daŭni siabar i kaleha Boŭi Toni Viskonci.

Muzyčnyja krytyki ŭspryniali viestku pra novy albom jak poŭnuju niečakanaść.

«Jon sapraŭdny artyst. Jon nie vypuskaje albom tolki tamu, što pryjšoŭ čas dla vychadu novaha alboma. Jon vypuskaje jaho tolki tady, kali ŭ jaho jość što skazać»,

Pres-sakratar śpievaka ŭ aficyjnym kamientary zaŭvažyŭ, što «zastavacca ŭ cieni i paźbiahać industryjalnaha kanviejera — heta vielmi ŭ styli Boŭi».

Bi-Bi-Si

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0