SHA nachrapam nia voźmieš
ZŠA i Eŭraźviaz vystupili suprać dałučeńnia Biełarusi da SHA, pakul Biełaruś nie pryviadzie zakanadaŭstva da mižnarodnych normaŭ.
Pry kancy kastryčnika ŭ Ženevie prajšli pieramovy pra dałučeńnie Biełarusi da SHA. U časie pieramovaŭ ZŠA, Kanada i Eŭraźviaz vystupili suprać dałučeńnia Biełarusi da SHA, pakul nia buduć skasavany zakanadaŭčyja normy, što supiarečać asnoŭnym pryncypam mižnarodnaj arhanizacyi.
Hałoŭnyja ź ich — «załataja akcyja», a taksama mahčymaść kanfiskacyi ŭ dachod dziaržavy tranzytnych kamercyjnych hruzaŭ i transpartu. Biełarusi nie ŭdałosia pierajści da nastupnaha etapu dałučeńnia — padrychtoŭki prajektu dakładu pracoŭnaj hrupy. Namieśnik ministra zamiežnych spraŭ Alaksandar Michnievič kaža, što na pytańni krainaŭ — siabroŭ pracoŭnaj hrupy «Biełaruś vyčarpalna adkazała jašče ŭviesnu».
Čynoŭniki MZS zajaŭlajuć, što pierahavorny praces palityzujecca pa inicyjatyvie ZŠA j Eŭraźviazu, jakija «zajmajuć destruktyŭnuju pazycyju ŭ dačynieńni da Biełarusi jak pretendenta na dałučeńnie da SHA». Ciapier MZS źbirajecca zaklučyć jak maha bolej damoŭ ź lakalnymi partnerami pa SHA dla dasiahnieńnia palityčnaj pieravahi. «Naš lahier» — heta Kitaj, Indyja, Turcyja, Brazylija, Kuba, Armenija, Kyrhyzstan — usiaho 18 krainaŭ. Pieršyja dvuchbakovyja pratakoły majuć być padpisanyja ŭ śniežni, padčas VI ministerskaj kanferencyi SHA ŭ Hankonhu.
