Знайсці
08.03.2007 / 11:56 26

Праваслаўная царква адхрысьцілася ад храму ў гонар Суворава

7 сакавіка экзархат афіцыйна заявіў: бажніца ў Кобрыне будзе ў гонар Нараджэньня Хрыстовага.

7 сакавіка Беларуская праваслаўная царква выступіла з афіцыйным адказам на зварот грамадзкіх дзеячоў адносна пабудовы ў Кобрыні праваслаўнага храму ў гонар Суворава.

У сваім адказе БПЦ зазначае, што гаворка наконт наданьню храму імя Суворава пакуль не вядзецца: «У Кобрыне з 2004 г. ідзе будаўніцтва храму ў гонар Раства Хрыстовага ў памяць 60‑годзьдзя вызваленьня Беларусі ад фашысцкіх захопнікаў. Ідэя надаць царкоўнаму будынку статус Сувораўскага храма‑помніка ўзьнікла ўнутры некаторых расейскіх грамадзкіх фондах і рухах, а затым была апублікаваная на старонках адной з расейскіх газэт".

"БПЦ ня мае ніякіх дакумэнтаў, якія б сьведчылі, што намеры і праекты, якія зьвязаныя з будаўніцтвам кобрынскага храма Раства Хрыстовага зь імем А.В.Суворава, атрымалі блаславеньне царкоўнага кіраўніцтва. У сувязі з гэтым пытаньні і камэнтары па дадзенай тэме павінны быць адрасаваныя да першакрыніцы інфармацыі, а таксама да тых грамадзкіх арганізацыяў, якія ініцыявалі і падтрымліваюць дыскусію па гэтым пытаньні», - гаворыцца ў прэс-рэлізе БПЦ.

Поўны тэкст адказу

Старшыня Рады Згуртаваньня беларусаў сьвету «Бацькаўшчына» Алена Макоўская наступным чынам пракамэнтавала адказ БПЦ:

«Я вельмі задаволеная, што Праваслаўная царква дала адказ на наш запыт, а таксама, што яна ня мае ніякага дачыненьня да гэтых падзеяў. Цяпер чарга адказаць берасьцейскім і кобрынскім ўладам. Лічу, што ўсё гэта стала магчыма ў тым ліку дзякуючы нашаму звароту да Філарэта, а таксама дзякуючы актыўнасьці грамадзтва ў гэтым пытаньні».

Зьміцер Панкавец

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30