Знайсці
25.11.2022 / 07:401РусŁacБел

Пад Мінскам заўважылі чайку-бургамістра. Гэта другая рэгістрацыя віду ў Беларусі

У нядзелю 20 лістапада птушкаркі Алёна Ціхановіч і Валерыя Трэйцяк выправіліся на рыбгас «Волма» шукаць шэрашчокую коўру. Але на адным са спушчаных ставоў заўважылі групу чаек, і адна з іх падалася ім незвычайнай сваёй раўнамернай афарбоўкай без чорных канцоў крылаў і вялікай дзюбай з чорным «гузікам» на кончыку. Сфатаграфаваць чайку атрымалася толькі з двух ракурсаў, але дакладна вызначыць від па іх не атрымалася. Таму дзяўчатам нічога не заставалася, як паспрабаваць высачыць птушку яшчэ раз, піша тэлеграм-канал «Дзікая прырода побач».

 

Фота Валерыі Трэйцяк

На другі дзень Алёна была на працы, а Валерыя выехала зноў на рыбгас, трымаючы з ёй сувязь. Умовы былі неспрыяльныя: падаў густы снег, арланы-белахвосты ганялі чаек. 

Фота Валерыі Трэйцяк

«Спробы падысці бліжэй з іншага берага скончыліся тым, што пад нагамі пачаў трэскацца лёд, — расказала Валерыя пра сваю выправу. — Пару разоў глыбока праваліўшыся пад лёд у смярдзючую жыжку, вярнулася на пачатковае месца — і тут убачыла светлыя крылы, хвост, спіну без кроплі чорнага! ЯНА! Удалося зрабіць здымак, па якім ужо без сумневу нам з Алёнай пацвердзілі чайку як маладога бургамістра».

Фота Валерыі Трэйцяк

Для Валерыі гэты лайфер стаў 271-м відам птушак, пабачаных у Беларусі, а для Алёны — юбілейным 280-м.

Валерыя Трэйцяк і Алёна Ціхановіч

Чайка-бургамістр — другая па велічыні чайка ў свеце, размах крылаў якой дасягае 165 см, а маса — 2,2 кг. Гняздзіцца яна на арктычных узбярэжжах Паўночнай Амерыкі і Еўразіі, а зіму праводзіць звычайна ў Паўночнай Атлантыцы, углыбіню сушы залятае вельмі рэдка.

Фота ілюстрацыйнае

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Суповой кубик/адказаць
25.11.2022
Даже этот бургомистр выглядит легитимнее, чем общеизвестная парочка стариков. Да и вообще -они "Старики-разбойники".
Каб пакінуць каментар, калі ласка, актывуйце JavaScript у наладах свайго браўзера
Калі ласка, актывуйце JavaScript у наладах свайго браўзера, каб узяць удзел у апытанні
Загружаецца...
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
12
3456789
10111213141516
17181920212223
24252627282930