Мурал «Зямля пад белымі крыламі» з’явіўся ў Брэсце
Шматпавярховік на вуліцы Маскоўскай у Брэсце цяпер упрыгожвае мурал з дзяўчынай-беларускай. Яго стварылі пінскія мастакі Яўген Сасюра і Сяргей Рысакоў. Сааўтарам эскіза стала Ганна Дзюкава. Муралы са спалучэннем сучасных і традыцыйных вобразаў раней з’явіліся ў розных гарадах краіны — Полацку, Пінску і іншых, піша «Виртуальный Брест».
Фота Андрэя Рыбачука
«Ідэя брэсцкага мурала — паказаць віхуры беларускай гісторыі і з‘яднаць з вобразам дзяўчыны-беларускі. За аснову дызайна яе вопраткі браўся кобрынскі традыцыйны строй, але па задуме — гэта сучасная дзяўчына, якая шануе традыцыі, але глядзіць у будучыню.
Важна адзначыць і вобраз вады. Старажытнае Берасце, як і большасць беларускіх гарадоў, узнікла на беразе гандлёвай ракі. Роля рэкаў для развіцця нашай цывілізацыі — вельмі значная. Птушкі на малюнку — гэта ідэі і памкненне наперад, а замак — рамантычная стылізацыя Берасцейскага замка, зробленая па матывах гістарычных рэканструкцый. Аднавіць сапраўдны выгляд замка навукоўцы дагэтуль не могуць — не хапае крыніц і матэрыялаў археалагічных даследаванняў. Але мэта праекта — зацікавіць жыхароў і гасцей горада гэтым сярэднявечным помнікам, бо з замкам звязана шмат сюжэтаў з гісторыі Брэста», — расказалі мастакі.
Чытайце таксама:
«Нараджэнне». Паглядзіце, які мурал з'явіўся ў Салігорску
«Насустрач світанку». Паглядзіце, які мурал зрабілі ў Гродне
У цэнтры Ліды з'явіўся мурал пра каханне, старажытныя плямёны і гарадскую культуру
У Віцебску з'явіўся мурал з грэчаскай калонай і васількамі
пад белымі?
зараз беспілотнікі і т.п. "мір" і "дэмакратыю" на белых крылах нясуць
гэта нармальна?
і будзе казаць потым нейкі наводчык - 'я ж нікога не забіваў. я ж проста на кнопачку націскаў'