Знайсці
06.07.2022 / 20:3612РусŁacБел

Беларускі Генштаб рыхтуецца да вайны з Польшчай. Але абгрунтаваць гэта не можа без канспіралогіі 

Начальнік галоўнага разведвальнага ўпраўлення, намеснік начальніка Генштаба Узброеных сіл Беларусі Руслан Касыгін выказаўся наконт пагрозы вайны. Паводле яго слоў, ЗША і ЕС не хаваюць, што фактычна рыхтуюцца да ўзброенага сутыкнення з Беларуссю і Расіяй, але дзейнічаць будуць рукамі Польшчы.

Руслан Касыгін. Скрыншот з відэа

Паводле высокапастаўленага вайскоўца: «Тэрыторыя Польшчы, як, зрэшты, і краін Балтыі, ператвараецца ў палігон, на тэрыторыі якога ЗША плануюць развязаць у Еўропе яшчэ адзін крывавы канфлікт супраць Расійскай Федэрацыі і яе хаўруснікаў».

Паколькі Злучаныя Штаты намагаюцца пазбегнуць прамога ўзброенага сутыкнення з Расіяй, лічыць Касыгін, то таму яны разам з саюзнікамі намагаюцца ствараць напружанасць і «лакальныя ваенныя канфлікты» з мэтай уцягвання ў іх Мінска і Масквы.

Руслан Касыгін занепакоены «імперскімі амбіцыямі» Варшавы, якая, як ён лічыць, прэтэндуе на лідарства не толькі ва Усходняй, але і ў Цэнтральнай Еўропе. Таксама ён заўважае «пакуль галаслоўныя, але ў той жа час небяспечныя спробы асобных польскіх палітыкаў ініцыяваць вяртанне так званых спрадвечна польскіх зямель, пад якімі маюцца на ўвазе заходнія рэгіёны Украіны і Беларусі». Канкрэтных імёнаў гэтых польскіх палітыкаў з нібыта рэваншысцкімі памкненнямі ён, праўда, не прыводзіць. Бо насамрэч такія настроі калі ў каго ў Польшчы і ёсць, то толькі ў палітычных маргіналаў. У рэальнай жа польскай палітыцы гэтай тэмы даўно няма, і грамадства пра тэрытарыяльныя рэваншы не марыць.

Прадчуванне вайны і перадзелу. Не толькі з боку Расіі? — меркаванне

Пры гэтым Касыгін мяркуе, што ў будучыні польская армія будзе здольная самастойна, «нават без асаблівай падтрымкі НАТА, правесці наступальную аперацыю з абмежаванымі мэтамі супраць Рэспублікі Беларусь».

Чаго вартыя ўсе гэтыя фантазіі высокапастаўленага генштабіста, можна меркаваць па зместу аднаго з ягоных пасажаў, дзе ён пагражае Польшчы магутным імгненным ударам у адказ, у выніку чаго пацерпяць «цэнтры прыняцця рашэнняў, элементы сістэмы кіравання, пункты пастаяннай дыслакацыі нацыянальных узброеных сіл, арсеналы і базы, а таксама крытычна важныя аб'екты іх эканомікі і транспартнай інфраструктуры».

Паводле Касыгіна, «Рэспубліка Беларусь не з'яўляецца прыхільніцай такога сцэнару, у гэтым зацікаўлены толькі паслядоўнікі Алена Далеса, якія арганізоўвалі і зрыналі непажаданыя ўрады, выкарыстоўваючы самыя перакручаныя спосабы і метады гібрыднай вайны, з ужываннем звычайных узбраенняў, дзе чалавечае жыццё не мае ніякай каштоўнасці пры дасягненні пастаўленых мэтаў».

Але рэч у тым, што так званы

«План Далеса» — гэта фальшыўка, якая часта тыражуецца расійскімі шавіністычнымі СМІ, міфічны план дзеянняў ЗША супраць СССР. У тым выглядзе, у якім ён звычайна цытуецца антызаходнікамі на постсавецкай прасторы, ён нідзе не публікаваўся, а англійскі арыгінал яго, здаецца, ніколі не існаваў. Яго прыдумалі ў 1990-я.

Успрымаць «план Далеса» як нібыта сапраўдны дакумент — тое самае, што прымаць за чыстую манету «Пратаколы сіёнскіх мудрацоў», створаныя ў пачатку ХХ стагоддзя ў Расійскай імперыі для апраўдання антысеміцкай палітыкі. Але беларускія чыноўнікі часта робяць акурат гэта. У снежні 2020 года відэа пра «план Далеса» на сустрэчы са студэнтамі БДУ ставіла старшыня Савета Рэспублікі Наталля Качанава, таксама гэта рэгулярна здараецца і з іншымі чыноўнікамі. Пры адсутнасці жывой ідэалогіі толькі і застаецца звяртацца да фэйкаў. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
блэк-джэк/адказаць/
07.07.2022
все их "удары по центрам принятия решений" выражаются исключительно в тотальном уничтожении гражданского населения и гражданской инфраструктуры не более того. варварские террористическое государство!
07.07.2022
Не ведаю хто такі гэты Далес, але план у яго заборысты.
07.07.2022
Лідкін боршч , всем вокруг понятно, что  забор поляки посторили, движуха прекратилась и стало спокойно. Проверили забор даже на подкоп. Скоро камеры повесят. Мышь не поскочит!)) 
Все бы хорошо, никакая группа не проберется, даже диверсионная. Да вот опять просчет. Он думал, что спровоцировал соседа по даче построить забор( у самого денег нет), а вот теперь забор просто не уберешь и не удобно ездить по ушам другому соседу и приходится выдумывать))))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031