Знайсці
24.06.2022 / 13:05

«Няма на што хаваць». У расійскіх рэгіёнах столькі пахаванняў забітых ва Украіне, што не вытрымліваюць мясцовыя бюджэты

Хаця расійскія ўлады заявілі, што іх краіна «мінімізавала страты ва Украіне за кошт змены тактыкі» і столькі вайскоўцаў, як раней, там ужо не гіне, аналіз дзяржзакупак у рэгіёнах сведчыць, што гэта не так. Нават у маленькіх гарадах закупляюць сотні крыжоў, вянкоў і таблічак — тэлеграм-канал «Можем объяснить» прааналізаваў з'яву.

Свежыя магілы ў Варонежы: на могілках для іх вылучаныя асобныя шэрагі. Крыжы і надпісы — аднатыпныя, то-бок пахаванне арганізоўвалі ўлады, а не родныя. Усе фота: mozhemobyasnit / Telegram

Пахаванне салдат з бедных сем'яў або тых вайскоўцаў, хто асабліва вызначыўся, бяруць на сябе гарадскія і раённыя ўлады. Гэта заўважна па тыповым афармленні магіл тых, хто загінуў ва Украіне, і казённым надпісе «Вечная памяць».

Па даных дзяржзакупак, прааналізаваных «МО», нават у невялікіх населеных пунктах патрабуюцца сотні прадметаў рытуалу.

«МО» прыводзіць прыклады:

Самы маленькі ў спісе — пасёлак Аніна пад Варонежам, усяго 3 тысяч жыхароў. Яго адміністрацыя закупіла 200 пахавальных камплектаў.

Горад Лабытнагі. Колькасць насельніцтва — 26 тысяч. Закупілі  110 крыжоў.

Ханты-Мансійск. Горад з насельніцтвам у 97 тысяч. Закупілі  230 надмагільных канструкцый.

Северадзвінск — 190 тысяч жыхароў. Закупілі 200 крыжоў.

Горад-мільённік Перм. І крыжоў больш — 970.

Обнінск. 1000 таблічак і шмат іншага (амаль на 2 млн рублёў). Плюс асобная закупка на 734 крыжы.

Пугачова Саратаўскай вобласці: усяго 40 тысяч жыхароў і 755 крыжоў (адна закупка, і другая).

Энгельс, тая ж вобласць: 210 тысяч жыхароў і 800 камплектаў для пахавання.

Сімферопаль — адразу 1000 камплектаў адным лотам!

І гэта далёка не ўсё выдаткі. Улады масава закупляюць і месцы на могілках.

Чыноўнікі, абласныя і мясцовыя, не толькі арганізуюць пахаванне, але і ўдзельнічаюць у іх (цырымоніі праводзяцца таемна), піша «МО». Як распавёў адзін з іх выданню,

хаваць цяпер за кошт мясцовых бюджэтаў прыходзіцца так шмат мужчын, што ўжо адчуваецца недахоп сродкаў: «Няма на што хаваць».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30