Знайсці
27.05.2022 / 14:50РусŁacБел

«Наклалі 19 швоў». Таццяна Севярынец трапіла ў бальніцу са зламанай нагой

Цяпер маці Паўла Севярынца знаходзіцца ў бальніцы хуткай медыцынскай дапамогі ў Віцебску. Ёй зрабілі аперацыю. 

Фота: сацыяльныя сеткі

Таццяна зламала нагу, упаўшы з ровара.

«Так атрымалася, што мяне крыху падрэзалі, і я, каб не збіць чалавека, на поўным ходзе саскочыла з ровара на правую нагу. Каскадзёрка такая.

Хруснула нага, я пачала крычаць, было вельмі балюча. Той раварыст, які мяне падрэзаў, спыніўся, трымаў маю нагу пакуль не прыехала хуткая. Спрабаваў байкі расказваць, каб я не надта моцна стагнала ад болю.

Атрымліваецца я зламала каленную рэпку і далей галёнку. Дакладна не ведаю, колькі мне вінтоў паставілі: альбо шэсць, альбо дзевяць. Агулам наклалі 19 швоў, вельмі вялікая рана», — расказвае Таццяна Севярынец. 

Фота: сацыяльныя сеткі

Лячэнне зойме прыкладна тры з паловай месяцы. Два тыдні ў бальніцы, потым знімуць швы, і можна будзе хадзіць на мыліцах. 

«Перад аперацыяй мне зрабілі ўкол у пазваночнік. Толькі чула, што мне нешта сверляць і пах быў гарэлай косці. Я яшчэ запыталася, ці гэта сапраўды так мае косці пахнуць?»

Аднак настрой у Таццяны добры. Нават нягледзячы на тое, што ўсе яе летнія планы рухнулі. 

«Хацела паехаць на радзіму да Кастуся майго, да сястры з’ездзіць, на лецішчы ў дачкі пабыць. Але не атрымліваецца. Што тут рабіць? Трэба пацярпець», — кажа яна. 

Чытайце таксама: 

Стала вядома, каго з артыстаў запрасілі на «Славянскі базар». У асноўным тых, хто за вайну

«Даход быў 500 даляраў, а цяпер 600 рублёў». Мінчукі расказалі, як згубілі працу з-за вайны 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031