Зяленскі і Шольц: Дыпламатычнае ўрэгуляванне магчымае толькі пасля вываду войскаў РФ
Канцлер ФРГ Олаф Шольц і прэзідэнт Украіны Уладзімір Зяленскі па тэлефоне абмеркавалі ваенную і гуманітарную сітуацыю ва Украіне, паведамляе Deutsche Welle.
«Яны прыйшлі да высновы, што дыпламатычнае ўрэгуляванне канфлікту шляхам перамоваў паміж Украінай і Расіяй запатрабуе неадкладнага спынення баявых дзеянняў з боку Расіі і вываду расійскіх войскаў з Украіны», — заявіў афіцыйны прадстаўнік урада Нямеччыны Штэфэн Хебештрайт.
Па меркаванні Шольца, палітыкі таксама абмяняліся думкамі пра магчымасці падтрымкі Украіны і дамовіліся заставацца ў цесным кантакце.
У сваю чаргу Зяленскі назваў перамовы з Шольцам «прадуктыўнымі».
«Абмеркавалі сітуацыю на фронце, працяг ціску на РФ, узмацненне жорсткасці санкцый, перспектывы дасягнення міру. Цэнім падтрымку Нямеччыны, у тым ліку абаронную. Разлічваем на далейшае садзейнічанне Нямеччыны на шляху Украіны да паўнапраўнага сяброўства ў ЕС», — напісаў ён у Твітары.
