У Казахстане пратэстоўцы захопліваюць зброю і вайсковую тэхніку
Сітуацыя ў Казахстане на гэты момант: сілавікі пакуль не ўжывалі агнястрэльнай зброі, праціўнікі ўлады захопліваюць вайсковую тэхніку на вуліцах.
Цэнтрам пратэстаў стаў самы вялікі горад краіны — Алматы.
Сёння зранку некалькі тысяч дэманстрантаў сабралася на цэнтральнай плошчыі, па дарозе захопліваючы тэхніку сілавікоў і аўтаматы.
Яны штурмавалі будынак акімата — абласной адміністрацыі. У ім узнік пажар. Пасля жорсткіх сутычак і перастрэлак сілавікі пакінулі акімат і плошчу перад ім.
Штурм акімата адбыўся і ў 4-м па памеры горадзе краіны — Актабе.
А ў Жанаазене, калысцы гэтага паўстання, народ упарта стаіць на плошчы. Менавіта расстрэл рабочых Жанаазена ў 2011 годзе ляжыць чорнай плямай на Назарбаеве.
Праціўнікі ўлады пакуль завалодалі невялікай колькасцю зброі. Далейшы ход падзей будзе залежаць ад таго, ці змогуць яны захапіць будынкі, дзе ёсць вялікія запасы зброі: УУС, будынак дзяржбяспекі і вайсковыя часткі.
На відэа з чата Алматы: сілавікі бягуць і аддаюць шчыты праціўнікам улады.
