Прэм'ер Брытаніі заявіў аб здольнасці амікрон-штама перадавацца паміж прышчэпленымі
Новы штам каранавіруса «амікрон» дэманструе здольнасць перадавацца паміж вакцынаванымі людзьмі. Аб гэтым заявіў прэм'ер-міністр Вялікабрытаніі Борыс Джонсан. Трансляцыя прэс-канферэнцыі вялася ў яго ў Твітары, піша РБК.
AP
«Падобна на тое, што «амікрон» распаўсюджваецца вельмі хутка і можа перадавацца паміж людзьмі, якія атрымалі абодва кампаненты вакцыны», — адзначыў ён.
Джонсан таксама паведаміў, што Вялікабрытанія ўводзіць абавязковы ПЛР-тэст для ўсіх хто ўязджае ў краіну і самаізаляцыю да атрымання адмоўнага выніку. Таксама ўводзіцца абавязковая 10-дзённая ізаляцыя для тых, у каго ёсць падазрэнне на заражэнне амікрон-штамам.
Раней паведамлялася, што ў Брытаніі зафіксаваныя выпадкі новага штама, выяўленага ў ПАР. Таксама штам выяўлены ў Нямеччыне, Бельгіі і Чэхіі. Эпідэміёлагі ЗША і Расіі прагназуюць, што вірус хутка распаўсюдзіцца па ўсім свеце.