«Белавія» назвала цэны на білеты без багажа — будзе на 20-25% танней, чым з багажом

З 18 лістапада «Белавія» пераходзіць на структуру тарыфаў з рознымі наборамі паслуг. Тарыфаў усяго пяць: «Прома», «Лайт», «Смарт», «Флекс» и «Бізнэс».

Самае галоўнае для ашчадных падарожнікаў — на тарыфах «Прома» і «Лайт» можна будзе ехаць без багажа і, адпаведна, не пераплачваць яго.

Вось як зменяцца цэны за пералёт туды-назад па некаторых кірунках: 

• Калінінград: з багажом — ад 115 еўра, без — ад 85 еўра.
• Прага: з багажом — ад 191 еўра, без — ад 166 еўра.
• Кіеў: з багажом — ад 139 еўра, без — ад 109 еўра.

Пры палёце без багажа атрымліваецца эканомія да 20-25%.

Пры гэтым «Белавія» павялічыла вагу ручной паклажы з 8 да 10 кг. Месца для багажу можна будзе дакупіць за 25 еўра.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ