Чаму Таёта Цэнтр Мінск выстаўляе цану на аўто ў расійскіх рублях?

Беларусы прывыклі, што цэны на новыя аўтамабілі ў салонах выстаўляюцца ў далярах альбо, у некаторых выпадках, у еўра. А вось «Таёта Цэнтр Мінск» чамусьці прапануе цэны ў расійскіх рублях. Што гэта, арыентацыя на ўсходняга пакупніка? Ці на продаж выстаўленыя машыны расійскай зборкі?

«Цэны ўказаныя ў расійскіх рублях проста так, для зручнасці. Ніякага дадатковага намеру ў гэтым няма, —

пераконваюць у аддзеле продажаў цэнтра. — Аплата адбываецца па курсе Нацбанка на дзень продажу».

Цікава, што цэны на новыя Таёты ў Расіі рубель у рубель супадаюць з беларускімі.

Большасць аўтамабіляў сабрана не ў Расіі, хоць ў продажы ёсць і мадэлі пецярбургскай зборкі.

ЯМ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ