Міліцыянера і следчага судзяць за халатнасць, якая прывяла да забойства 3-гадовага дзіцяці ў Слуцку
У судзе Мінскага раёна пачаўся суд над службовымі асобамі, чые бяздзейнасць і халатнасць садзейнічалі магчымасці працяглага катавання малалетняга Сямёна Таратуты, перадае БЕЛТА.
Абвінавачанымі па справе праходзяць Аляксандр Дзядок — начальнік Інспекцыі па справах непаўналетніх Слуцкага РАУС, і Арцём Галавінскі — следчы Слуцкага РАСК, чые бяздзеянне і халатнасць, на думку дзяржабвінавачання, спрыялі магчымасці працяглага катавання.
Раней Мінскі абласны суд вынес прыгавор па крымінальнай справе пра забойства бацькамі са Слуцка трохгадовага сына.
Аляксандр Таратута, бацька трохгадовага Сямёна Таратуты, быў прысуджаны да расстрэлу, яго жонка Анастасія — да 25 гадоў пазбаўлення волі ў папраўчай калоніі ва ўмовах строгага рэжыму.
Судовая калегія па крымінальных справах Вярхоўнага Суда, разгледзеўшы ў апеляцыйным парадку крымінальную справу, пакінула рашэнне суда першай інстанцыі без змянення, а апеляцыйныя скаргі абвінавачаных і іх абаронцаў — без задавальнення.
Чытайце таксама:
Расстрэл. У Слуцку вынесены прысуд бацькам, якія закатавалі трохгадовага сына
«1000 дзён пекла». Маці забітага трохгадовага хлопчыка дала паказанні ў судзе
